ASSAM TIMES POST
নিউজ ডেস্ক
ভাৰতীয় ক্ৰিকেট দলৰ প্ৰাক্তন অধিনায়ক মহেন্দ্ৰ সিং ধোনীৰ এদিনীয়া কেৰিয়াৰ সমাপ্ত হোৱাৰ পথত৷ এই ইংগিত দিছে ভাৰতীয় ক্ৰিকেট দলৰ মুখ্য প্ৰশিক্ষক ৰবি শাস্ত্ৰীয়ে৷ ইপিনে, ক্ৰিকেট মহলত চলা আলোচনা মতে ইংলেণ্ডত বিশ্ব কাপ ক্ৰিকেটৰ ছেমিফাইনেল হোৱাৰ সময়ত ৫০ অভাৰৰ ক্ৰিকেট খেলখনেই প্ৰাক্তন বিশ্ব বিজয়ী অধিনায়কজনৰ বিদায়ী মেচ৷
ৰবি শাস্ত্ৰীয়ে কয়, এম এছৰ সৈতে মোৰ কথা হৈছে৷ অতি সোনকালে এদিনীয়া ক্ৰিকেটৰ পৰা আঁতৰি থাকিব৷ তেওঁ টেষ্ট কেৰিয়াৰ শেষ কৰিছে৷ এদিনীয়া খেলাও বন্ধ কৰিছে৷ খুব সম্ভৱ এদিনীয়া ক্ৰিকেট জীৱন শেষ কৰাৰ দিশত তেওঁ গৈছে৷ ইয়াৰ লগতে শাস্ত্ৰীয়ে কয়, বহু দিন ধৰি এম এছে খেলিছে৷ কেৱল ইমানেই নহয়, ধোনীয়ে ক্ৰিকেটক বিদায় জনাব বিচাৰিছে৷
ইয়াৰ লগতে শাস্ত্ৰীয়ে কয়, এই বয়সত এম এছে কেৱল টি-২০ খেলিবলৈ বিচাৰিছে৷ মোৰ মতে তেওঁ আই পি এল খেলিবলৈ আৰম্ভ কৰিব৷ ইয়াৰ পৰাই বুজিব পাৰি তেওঁৰ শৰীৰৰ কথা৷
