আচানছোল তৃণমূল কংগ্ৰেছৰ সাংসদ শত্ৰুঘ্ন সিনহাৰ কন্যা অভিনেত্ৰী সোণাক্ষী সিনহাই (Actress Sonakshi Sinha) ২৩ জুনত মুম্বাইত (Mumbai on June 23) প্ৰেমিক তথা অভিনেতা জাহিৰ ইকবালৰ (Actor Zaheer Iqbal) সৈতে বিবাহপাশত আবদ্ধ (married) হ’ব। ছ’চিয়েল মিডিয়াত এই কথা ইতিমধ্যে তীব্ৰ চৰ্চিত হৈছে। ইতিমধ্যে সোণাক্ষী চিনহাৰ এটা ভিডিঅ’ ভাইৰেল হৈছে।
ভিডিঅ’টোত সেউজীয়া চেলোৱাৰ কামিজ পিন্ধা সোণাক্ষীয়ে হিন্দু প্ৰথা অনুসৰি ‘নমস্কাৰ’ৰ পৰিৱৰ্তে ইছলামিক প্ৰথা অনুসৰি ‘আদাব’ কৰা দেখা গৈছে। এই ভিডিঅ’টো ৰাজনৈতিক বিশ্লেষক ডঃ ৰিজৱান আহমেদে নিজৰ এক্স হেণ্ডেলত শ্বেয়াৰ কৰিছে। তাত তেওঁ লিখিছে, “এইগৰাকী শত্ৰুঘ্ন সিনহাৰ কন্যা সোণাক্ষী সিনহা। শত্ৰুঘ্ন সিনহাৰ চাৰি ভাতৃ- ৰাম, ভৰত, লক্ষ্মণ আৰু শত্ৰুঘ্ন। সোণাক্ষীৰ ঘৰৰ নাম ৰামায়ণ। সোণাক্ষীৰ ভাতৃ লৱ আৰু কুশ। সোণাক্ষীৰ প্ৰেমিকৰ নাম জাহিৰ ইকবাল। এতিয়া সোণাক্ষীয়ে নমস্তেৰ সলনি আদাব বুলি কৈছে।”
এই পোষ্টটোত এতিয়া বিভিন্নজনে বিভিন্ন প্ৰতিক্ৰিয়া দি আছে। এজনে লিখিছে, “এতিয়া সোণাক্ষী সিনহাৰ নাম সলনি হ’ব। কাৰণ ২২ জুনত বিয়া নহয় নিকাহ হ’ব৷ আৰু বিবাহৰ প্ৰথম চৰ্ত হ’ল ধৰ্মান্তৰকৰণ। কলিমা পঢ়াই সোণাক্ষীক ছালমা বনোৱা হ’ব। মুকলি প্ৰত্যাহ্বান, মোক ভুল প্ৰমাণ কৰি দেখাওক। জাহিৰ ইকবালক সোধক, সোণাক্ষীক নিকাহ কৰিব নে অগ্নিৰ চাৰিওফালে সাতপাক ঘূৰিব?
উল্লেখ্য, প্ৰেমিক জাহিৰ ইকবাল সোণাক্ষীতকৈ ২ বছৰ সৰু। সোণাক্ষীৰ বয়স ৩৭ বছৰ আৰু জাহিৰৰ বয়স ৩৫ বছৰ। সোণাক্ষী আৰু জাহিৰৰ মাজত দীৰ্ঘদিন ধৰি প্ৰেমৰ সম্পৰ্ক আছিল। সোণাক্ষী সিনহা আৰু জাহিৰ ইকবালৰ সম্পৰ্কৰ সূচনা ঘটাইছিল বলীউডৰ আন এজন অভিনেতা ছলমান খানে। সোণাক্ষী আৰু জাহিৰৰ পৰিয়ালে এই বিবাহৰ বাবে সন্মতি দিছে। মুম্বাইৰ বাষ্টিয়ানত অনুষ্ঠিত হ’ব বিবাহ অনুষ্ঠান। বিয়াৰ দিনা দুয়োটা পৰিয়ালৰ সদস্য উপস্থিত থাকি আশীৰ্বাদ দিব। অৱশ্যে তেওঁলোকৰ বিবাহ হিন্দু নে মুছলমান শৈলীত হ’ব সেয়া জানিব পৰা হোৱা নাই।
