হস্তনিৰ্মিত গহনা কিনি ভালপায় আমেৰিকাৰ যুৱতী (American girl) গৰাকীয়ে। সেয়ে যেতিয়াই দেশ-বিদেশৰ যিকোনো ঠাইতে ভাল গহনা দেখে, তেতিয়াই তেওঁ সেয়া সংগ্ৰহ কৰিবলৈ চেষ্টা কৰে। কিন্তু সেই চখৰ বাবেই ঠগ খালে যুৱতীগৰাকীয়ে। এক হস্তশিল্পকৰ্ম দেখাৰ পিছত তেওঁ সেয়া আচল নে নকল বিচাৰ নকৰাকৈয়ে ক্ৰয় কৰে। পিছত তেওঁ ক্ৰয় কৰা গহনা প্ৰদৰ্শনীত দেখুৱাইহে জানব পাৰে যে গহনাবোৰ ভুৱা। ইয়াৰ পিছতে ৰাজস্থানৰ এখন গহনা দোকানৰ মালিকৰ বিৰুদ্ধে অত্যধিক মূল্যত ভুৱা গহনা বিক্ৰীৰ অভিযোগ (Allegations of selling fake jewellery) দাখিল কৰে। অভিযুক্তৰ নাম গৌৰৱ ছোনী (Accused name Gaurav Soni)।
আৰক্ষীৰ সূত্ৰ অনুসৰি, ২০২২ চনৰ পৰাই আমেৰিকান যুৱতী চেৰিছে গৌৰৱৰ সৈতে ইনষ্টাগ্ৰামত আছে। তাৰ পিছত আমেৰিকাৰ পৰা ৰাজস্থানলৈ গহনা কিনিবলৈও যায়। জয়পুৰৰ জহৰি বজাৰ (Jaipur’s Zahri Bazaar)ৰ গৌৰবৰ দোকানলৈ যোৱাৰ পিছত চেৰিছে সোণেৰে পলিচ কৰা ৰূপৰ গহনা পছন্দ কৰে। ভাৰতীয় মুদ্ৰাত ৬ কোটি টকাত উক্ত গহনা ক্ৰয় কৰি তেওঁ আমেৰিকালৈ উভতি যায়।
এপ্ৰিল মাহত আমেৰিকাত অনুষ্ঠিত এখন প্ৰদৰ্শনীত চেৰিছে ৰূপৰ গহনাখিনি প্ৰদৰ্শনৰ ব্যৱস্থা কৰে। তেতিয়া তেওঁ গম পায় যে উক্ত গহনাবোৰ নকল। ৩০০ টকাৰ গহনা ৬ কোটি টকাত (Jewellery worth Rs 300 at Rs 6 crore) কিনি ঠগ খায় যুৱতীগৰাকী। লগে লগে আমেৰিকাৰ পৰা পুনৰ জয়পুৰলৈ গৈ গৌৰৱক লগ কৰে।
আনহাতে, ভুৱা গহনা বিক্ৰীৰ বিষয়টো উত্থাপন কৰাৰ সময়ত গৌৰৱে সেয়া অস্বীকাৰ কৰে। ইয়াৰ পিছতে তেওঁ জয়পুৰ থানালৈ গৈ গৌৰৱৰ বিৰুদ্ধে এজাহাৰ দাখিল কৰে। আনকি তেওঁ আমেৰিকাৰ দূতাবাসৰ পৰাও সহায় বিচাৰে। দূতাবাসৰ হৈ জয়পুৰ আৰক্ষীক তৎকালীনভাৱে তদন্ত আগবঢ়াই নিবলৈ অনুৰোধ জনোৱা হৈছে। আৰক্ষীৰ সূত্ৰ অনুসৰি, গৌৰৱ আৰু তেওঁৰ পিতৃ ৰাজেন্দ্ৰ ছোনী দুয়ো পলাতক অৱস্থাত আছে। দুয়োৰে সন্ধানত আৰক্ষীয়ে বিশেষ তদন্তকাৰী দল গঠন কৰিছে।
