সোমবাৰে বিয়লি ২ বজি ৩০ মিনিটত ডিফু আৱৰ্ত ভৱন (Diphu Circut Bhawan)ত কাৰবি আংলং জিলাৰ আয়ুক্ত (District Commissioner) মধুমিতা ভাগৱতীয়ে এখন সংবাদ মেল (Madhumita Bhagwati’s press conference) সম্বোধন কৰি ৪ জুনৰ ভোটগণনাৰ সবিশেষ ব্যাখ্যা কৰে৷ ৪ জুনত প্ৰথমে পোষ্টেল বেলটৰ গণনা (Vote Counting on June 4) হ’ব৷ ৫৫০৫ জন লোকে পোষ্টেল বেলেটৰে ভোটদান কৰিছিল ৷
ই টি পি বি এছ ৰ জড়িয়তে ১০১৮ জন ভোটাৰে ভোটদান কৰিছে ৷ ইয়াৰে ৬৬২ টা ই টি পি বি এছৰ ভোট আহি পালে ৷ ৪ তাৰিখে ডিফুৰ আই এছ বি টিৰ ষ্টং ৰোমত ডিফু বিধানসভা সমষ্টিৰ ১৭ ৰাউণ্ডত ভোটগণনা হ’ব ৷ হাওৰাঘাট বিধানসভা সমষ্টিৰ ভোটগণনা ১৮ ৰাউণ্ডত সমাপ্ত হ’ব ৷ একেদৰে বোকাজান বিধানসভা সমষ্টিৰ বোকাজান উচ্চতৰ মাধ্যমিক বিদ্যালয়ৰ ষ্টং ৰোমত ১৫ ৰাউণ্ড ভোটগণনা হ’ব৷ হাফলং বিধানসভা সমষ্টিৰ হাফলং উপায়ুক্ত কাৰ্যলয়ৰ ষ্টং ৰোমত ১৯ ৰাউণ্ড ভোটগণনা হ’ব৷ একেদৰে পশ্চিম কাৰবি আংলং জিলাৰ আমৰি আৰু ৰংখাং বিধানসভা সমষ্টিৰ ১৫ ৰাউণ্ডকৈ ভোটগণনা হ’ব৷
