১৯৯৭ চনৰ এ আৰ ৰহমান (A R Rahman)ৰ ‘মা তুঝে চালাম’ এলবামটো নিশ্চয় সকলোৰে মনত আছে। বংকিমচন্দ্ৰ চট্টোপাধ্যায়ে নিজৰ শৈলীত ‘বন্দেমাতৰম’ (Vande Mataram) গীতটি ৰচনা কৰিছিল। সেই গীতটো এতিয়াও বিভিন্ন অনুষ্ঠানত বা মঞ্চত শুনা যায়। স্বাধীনতাৰ ৫০ সংখ্যক বছৰত ‘সঙ্গীতজ্ঞ’জনে নতুন ৰূপত সৃষ্টি কৰা সংগীত ভাৰতীয় জীৱনৰ অংগত পৰিণত হয়।
তাৰ মাজতো অৱশ্যে অস্কাৰ বিজয়ী সুৰকাৰগৰাকীয়ে যোৱা এটা বছৰত কেইবাটাও বিতৰ্কত লিপ্ত হৈছে। বিতৰ্ক যিয়েই নহওক কিয়, ৰহমান সংগীতত ব্যস্ত আছে। এইবাৰ বিদেশৰ মাটিত অনুৰাগীৰ গীতত আপ্লুত হয় ৰহমান।শেহতীয়াকৈ এটা ভিডিঅ’ ছ’চিয়েল মিডিয়াত ভাইৰেল হৈছে। বিদেশৰ মাটিত হঠাৎ ৰহমানৰ গাড়ীৰ সন্মুখত এগৰাকী বিদেশীনি আবিৰ্ভাৱ হয়। তেওঁক দেখাৰ লগে লগে যুৱতীগৰাকী উল্লাসিত হৈ পৰে।
https://youtu.be/0jn0DKPmv2s
তেওঁ কয় যে ৰহমান তেওঁৰ সংগীতৰ প্ৰেৰণা।গতিকে তেওঁৰ সন্মতি সাপেক্ষে তেওঁ গীটাৰ বজাই ‘বন্দেমাতৰম’ গীতটো পৰিবেশন কৰে। ৰহমানেও আপত্তি নকৰিলে, তাৰ পৰিৱৰ্তে মোবাইলটো লৈ গোটেই গানটো নিজৰ ফোনত ৰেকৰ্ডিং কৰে। অৱশ্যে এই ভিডিঅ’টো ক’ৰ পৰা আহিছে সেয়া স্পষ্ট হোৱা নাই।
