ASSAM TIMES POST
আইএমডিটি আইনৰ বিৰুদ্ধে ন্যায়ালয়ত গোছৰ তৰা
সৰ্বানন্দ সোণোৱালে ‘কা’ৰ সমৰ্থন কৰাটো হাস্যকৰ — জে আই কাথাৰ
ডিফু : এসময়ত অবৈধ বাংলাদেশীৰ পৃষ্ঠ পোষকতা কৰা আইএমডি আইনৰ বিৰুদ্ধে উচ্চতম ন্যায়ালয়ত গোছৰ তৰি জাতীয় নায়ক হোৱা তদানীন্তন ছাত্ৰনেতা তথা বৰ্তমানৰ মুখ্যমন্ত্ৰী সৰ্বানন্দ সোনোৱালে জাতিধ্বংসী আইন ‘কা’ ৰ সমৰ্থনত হাত উজান দিয়াটো হাস্যকৰ বুলি কৈছে কাৰবি আংলং জিলাৰ আঞ্চলিক ৰাজনৈতিক দল অল পাৰ্টী হিলছ লীডাৰ্ছ কনফাৰেন্স চমুকৈ এপিএইছ এলচিৰ সভাপতি অৱসৰ প্ৰাপ্ত আইএছ বিষয়া জে আই কাথাৰে ৷
আজি ডিফু স্থিত জিলা প্ৰেছ ক্লাৱত এক সংবাদ মেলৰ আয়োজন কৰি এই কথা উল্লেখ দলটোৰ সভাপতি অৱসৰ প্ৰাপ্ত আইএছ বিষয়া জে আই কাথাৰে ৷ বিজেপি হাই কামাণ্ডৰ নিৰ্দেশনা মানিয়েই বিতৰ্কিত আইনখনৰ বিৰুদ্ধে মাত মাতিব পৰা নাই মুখ্যমন্ত্ৰী, মন্ত্ৰী আৰু বিধায়ক সকলে ৷ এনআৰচি কৰ্তৃপক্ষই জিলাখনৰ পৰা ২, লাখ ৬০ হাজাৰ বাংলাদেশীৰ নাম বাদ পৰিছে বুলি কৰ্তৃপক্ষই সদৰি কৰাৰ পিছতো খাছী সকলে কাৰবি আংলঙৰ ভূমি দখল কৰাৰ সময়ত কাৰবি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে কাৰবি আংলঙৰ এক ইঞ্চি মাটিও দিয়া নহব বুলি কৈ কিহৰ বাবে ২, লাখ ৬০ হাজাৰ বাংলাদেশীক ভূমি আৰু ৰাজহ বিভাগৰ জৰিয়তে কিয় উচ্ছেদ কৰিব পৰা নাই বুলি প্ৰশ্ন কৰে জে আই কাথাৰে ৷
অৱশ্যে এনআৰচিৰ পৰা নিৰক্ষৰ আৰু দৰিদ্ৰতা আৰু অজ্ঞতাৰ বাবে বাদ পৰা জিলাখনৰ জনজাতি সকলক বিনাচৰ্তে এনআৰচিত নাম অন্তৰ্ভূক্ত কৰিবলৈ দাবী জনায় নেতাজনে ৷ নতুন আইন খনৰ জৰিয়তে পশ্চিম কাৰবি আংলং আৰু কাৰবি আংলঙত এনআৰচিৰ পৰা বাদ পৰা হিন্দু বাংলাদেশী সকলক আইনৰ জৰিয়তে নাগৰিকত্ব প্ৰদান কৰি জিলা দুখন বংগ ভূমি বনাবলৈ বাংলাদেশী সকলক উৎসাহিত কৰিব ৷
এপিএইছএলচিয়ে সেয়ে অসমত চলি থকা ‘কা’ বিৰোধী আন্দোলনত পূৰ্ণ সমৰ্থন অব্যাহত ৰাখিব বুলি জনায় কাথাৰে ৷ ইয়াৰোপৰি কাৰবি আংলং স্বায়ত্ত শাসিত পৰিষদৰ নিজস্ব ক্ষমতাৰ আওতাত থকা শিক্ষা বিভাগৰ টেট অনুষ্ঠিত কৰাৰ পূৰ্ণ ক্ষমতা লগতে টেট সম্বন্ধীয় বিজ্ঞাপনৰ অধিকাৰো কাৰবি আংলং স্বায়ত্ত শাসিত পৰিষদৰ হাততে থাকিব লাগে বুলি দাবী কৰে এপিএইছএলচিৰ সভাপতি গৰাকীয়ে ৷
