‘ভাৰত মাতা প্ৰতিজন ভাৰতীয়ৰ কণ্ঠ।’ কংগ্ৰেছ নেতা, সাংসদ ৰাহুল গান্ধী (MP Rahul Gandhi)য়ে স্বাধীনতা দিৱসত দেশবাসীক এই বাৰ্তা প্ৰদান (Message to the nation on Independence Day) কৰে। দেশৰ প্ৰধানমন্ত্ৰীয়ে স্বাধীনতা দিৱসত লালকিল্লাত দেশবাসীক সম্বোধন কৰে। আনহাতে, বিভিন্ন নেতাসকলে ছচিয়েল মিডিয়াত নিজৰ নিজৰ বাৰ্তা দিয়ে।
কংগ্ৰেছ নেতা ৰাহুল গান্ধীয়ে ছচিয়েল মিডিয়াত দেশবাসীক স্বাধীনতা দিৱসৰ শুভেচ্ছা জ্ঞাপন কৰি লিখিছে, ‘ভাৰত মাতা প্ৰতিজন ভাৰতীয়ৰ কণ্ঠ।’ তেওঁৰ বাৰ্তাত তেওঁ ভাৰত জোৰো যাত্ৰাৰ বিষয়টোৰ কথা উল্লেখ কৰে। ৰাহুলে লিখিছে, “যোৱা বছৰ মই ১৪৫ দিন উক্ত ঠাইবোৰত ঘূৰিছিলো যিবোৰ মোৰ ঘৰ। যাত্ৰা আৰম্ভ হ’ল সাগৰৰ পাৰৰ পৰা। গৰম, ধূলি, ৰʼদ, বৰষুণ, হাবি, চহৰ, পাহাৰ পাৰ হৈ বৰফেৰে আবৃত কাশ্মীৰ পালোঁগৈ৷” তেওঁ নিজৰ শাৰীৰিক অসুস্থতা, যন্ত্ৰণা অতিক্ৰম কৰি আগবাঢ়ি যোৱাৰ বিষয়েও লিখে।
