মণিপুৰত পুনৰ আৰম্ভ হৈছে অশান্তি (Fresh Manipur Violence)। নিৰাপত্তাৰক্ষীৰ সৈতে হোৱা সংঘৰ্ষত ১৭ জন লোক আহত (17 injured in encounter with security forces) হয়। বৃহস্পতিবাৰে পুৱাৰে পৰা ৰাজ্যৰ বিষ্ণুপুৰ জিলাত উত্তেজনাৰ সৃষ্টি হয়। পিছত মেইটেই মহিলাৰ সৈতে সেনাৰ সংঘৰ্ষ (Army clashes with Meitei women) হয়।
বিষ্ণুপুৰ জিলাত বৃহস্পতিবাৰে পুৱাৰে পৰা উত্তপ্ত পৰিস্থিতি বিৰাজ কৰে। জানিব পৰা মতে, বৃহস্পতিবাৰে এদল মহিলাই বেৰিকেড পাৰ হʼব বিচাৰিছিল। আছাম ৰাইফলছ আৰু আৰএএফে তেওঁলোকক আটক কৰে। ইয়াৰ প্ৰত্যুত্তৰত মহিলাসকলেও ইটা নিক্ষেপ কৰিবলৈ ধৰে। ফলস্বৰূপে আৰম্ভ হয় সংঘাত। খবৰ অনুসৰি, কমেও ১৭ জন লোক আহত হৈছে। একেখন জিলাৰ কংভাই আৰু ফৌগাকচাওত আন্দোলনকাৰী জনগোষ্ঠীটোক ছত্ৰভংগ দিয়াবলৈ মণিপুৰ আৰক্ষীয়ে কন্দুৱা গেছ প্ৰয়োগ কৰে।
ইফালে সংঘৰ্ষৰ পিছত পুনৰ পূব আৰু পশ্চিম ইম্ফলত জাৰি কৰা হৈছে কাৰ্ফিউ। আজি পুৱা সাত বজাৰ পৰাই বহু লোকে নিৰাপত্তাৰক্ষী বৃদ্ধিৰ প্ৰতিবাদ কৰিবলৈ আৰম্ভ কৰে। সেয়া চম্ভালি থকাৰ সময়তে সংঘৰ্ষ হয়।
