ডিফুত ডেংগুৰ (Dengue in Diphu) সংহাৰী ৰূপ কমাৰ নামেই লোৱা নাই৷ বিগত মে’ মাহৰ পৰা ডিফু চহৰৰ বিভিন্ন অঞ্চলত আৰম্ভ হোৱা ডেংগু জ্বৰত এতিয়ালৈকে ৫৬৯ গৰাকী লোক আক্ৰান্ত (569 people affected) হৈছে। যোৱা ৫ জুলাইত ৰহিলা টেণপী নামৰ এগৰাকী মহিলাৰ মৃত্যু হোৱাৰ পাছত আজি পুৱা এলেক্স ৰংপি (২৯) নামৰ এগৰাকী যুৱকৰো ডেংগুত আক্রান্ত হৈ মৃত্যু (Alex Rangpi dies of dengue) হোৱাৰ বাতৰি লাভ কৰা হৈছে।
ডিফু চহৰৰ বিৰলা, শীতলাবাড়ী, ছার্থে কলনি, শিৱবাৰী আদি অঞ্চলৰ লগতে দাঁতিকাষৰীয়া অঞ্চললৈ ক্ৰমাত ডেংগু বিয়পা পৰিলক্ষিত হৈছে। ডেংগুৰ প্রকোপ ৰোধৰ বাবে জিলা স্বাস্থ্য বিভাগে ডিফু চহৰৰ সকলো ৱাৰ্ডৰ প্রত্যেক বাসগৃহলৈ গৈ ডেংগুব উৎপত্তি স্থলসমূহ ধ্বংস কৰাৰ লগতে জনসাধাৰণক সজাগ কৰি তোলাৰ প্ৰচেষ্ট| লোৱাৰ লগতে ফগিং কৰা পৰিলক্ষিত হৈছে।
আনহাতে আজি স্বাস্থ্য বিভাগৰ যুটীয়া সচিবৰ কাৰ্যালয়ৰ উদ্যোগত ডিফু চহৰত ডেংগুৰ প্ৰতিৰোধ আৰু সজাগতা সৃষ্টিৰ বাবে বাইক ৰেলী উলিওৱা হয়৷ ডিফু চহৰৰ ডেংগু আক্রান্ত অঞ্চলসমূহৰ লগতে দাঁতিকাষৰীয়া অঞ্চলসমূহত এই বাইক ৰাইডাৰসকলে গৈ ডেংগুৰ বিৰুদ্ধে জনসাধাৰণক সজাগ কৰাৰ প্রচেষ্টা লোৱা পৰিলক্ষিত হয়৷
জিলা স্বাস্থ্য বিভাগৰ যুটীয়৷ সঞ্চালক ডাঃ বৰছিং ৰংপিয়ে ডেংগু নির্মূলৰ বাবে স্বাস্থ্য বিভাগে লোৱা প্ৰচেষ্টাসমূহৰ সম্পর্কে জনসাধাৰণক অবগত কৰাৰ উদ্দেশ্যে এই প্রচেষ্ট লোৱা বুলি উল্লেখ কৰে। চহৰখনৰ সকলো নাগৰিকক ডেংগুৰ বিৰুদ্ধে সজাগ হৈ থকাৰ লগতে নিজ নিজ বাসগৃহসমূহ চাপ-চিকুণকৈ ৰখাৰ আঁহ্বান জনায়। চাপ-চিকুণকে নৰখা বাসগৃহসমূহৰ ওপৰত জৰিমনা বিহাৰ চিন্তা-চৰ্চা কৰা বুলিও যুটীয়া সঞ্চালকগৰাকীয়ে সংবাদমাধ্যমৰ আগত ব্যক্ত কৰে৷
