Nagaland Govt. bans single use of plastic I নাগালেণ্ডত সম্পূৰ্ণ নিষিদ্ধ প্লাষ্টিক, ঘৰত ৰাখিলেও ভৰিব লাগিব জৰিমনা

নাগালেণ্ডত সম্পূৰ্ণ বন্ধ কৰি দিয়া হ’ল প্লাষ্টিকৰ ব্যৱহাৰ (Nagaland Govt. bans single use of plastic) । ৰাজ্যখনত বলৱৎ কৰা হৈছে ১৯৮৬ চনৰ পৰিবেশ সুৰক্ষা আইন। কেন্দ্রীয় পৰিবেশ মন্ত্ৰালয় আৰু ৰাজ্যৰ নগৰ উন্নয়ন বিভাগৰ উদ্যোগত প্লাষ্টিকৰ ব্যৱহাৰ নিষিদ্ধ কৰি বিবৃতি জাৰি কৰিছে নাগালেণ্ড চৰকাৰে। ৰাজ্যখনক সম্পূৰ্ণ প্লাষ্টিকমুক্ত কৰিবলৈ উদ্যোগী হৈছে নাগালেণ্ড চৰকাৰ। তাৰ কাৰণেই প্লাষ্টিকৰ ব্যৱহাৰ সম্পূর্ণ নিষিদ্ধ কৰা হৈছে।

শনিবাৰে নাগালেণ্ডৰ নগৰ উন্নয়ন বিভাগৰ বিবৃতিত জনাইছে, ৰাজ্যখনত যিকোনো ধৰণৰ প্লাষ্টিকৰ বেগৰ উৎপাদন, আমদানি, ক্রয়, সংৰক্ষণ বা বিক্ৰী সম্পূর্ণ নিষিদ্ধ। কেৱল প্লাষ্টিকৰ বেগেই নহয়, প্লাষ্টিকৰ পৰা উৎপাদিত তৈরি নিত্যপ্রয়োজনীয় যিকোনো দ্রব্য যেনে থাল, বাটি, গিলাচ, কাপ, লাঠি, চামুচ আদি একোৱেই নাগালেণ্ডত ব্যৱহাৰ কৰিব নোৱাৰিব।

সকলো ক্ষেত্রতে বিকল্প উপাদান ব্যৱহৃত হ’ব।নাগালেণ্ডৰ সকলো বাসিন্দা, ব্যৱসায়িক আৰু শিক্ষা প্রতিষ্ঠান, অফিচ, দোকান, হোটেল, ৰেস্তোৰাঁ, ধর্মীয় উপাসনালয়, কেন্দ্রীয় বা ৰাজ্য চৰকাৰৰ কাৰ্যালয়ত এই নিয়ম প্ৰযোজ্য হ’ব। নির্দেশ অমান্য কৰাসকলে জৰিমনা ভৰিব লাগিব।