আজি কাৰবি আংলং জিলাৰ অসম-নাগালেণ্ড সীমান্তৰ(Assam Nagaland Border) ডিলাইত বুজন পৰিমানৰ সন্দেহযুক্ত হেৰ’ইন সহ (Drugs) এট সৰবৰাহকাৰী আটক হৈছে ৷ প্ৰাপ্ত খবৰ অনুসৰি আজি পুৱাৰ ভাগত এক গোপন খবৰৰ ভিত্তিত ডিলাই থানাৰ অ’চিৰ নেতৃত্বত, চি 20 চিআৰপিএফৰ দল আৰু থানা ষ্টাফৰ সহযোগত ডিলাই তিনি আলিত এক নাকা তালাচী স্থাপন কৰা হয় ৷
তালাচীকালত AS09 C 9521 নম্বৰৰ এখন মেজিক বাহনত পাচলি কঢ়িওৱা বাহনত লুকুৱাই অনা এটা মোনাৰ পৰা ১০ টা চাবোনৰ বাকচৰ পৰা ১২২’১৪ গ্ৰাম হেৰইন জব্দ কৰিবলৈ সক্ষম হয় ৷ জব্দকৃত হেৰইনখিনিৰ সৈতে আৰক্ষীয়ে ত্ৰিপুৰা ৰাজ্যৰ পশ্চিম থানাৰ যোগেন্দ্ৰ নগৰ আগৰতলাক মানিক লাল ছাহাৰ পুত্ৰ অনিম ছাহা (২৪) আটক কৰিবলৈ সক্ষম হয় ৷
উদ্ধাৰ হোৱা হেৰইনখিনি বোকাজ্ন মহকুমা আৰক্ষী বিষয়াৰ উপস্থিতিত জব্দ কৰা হয় বুলি আৰক্ষীৰ সূত্ৰত প্ৰকাশ ৷
