কৰ্ণাটক বিধানসভা নিৰ্বাচনত (Karnataka Election) জয়ৰ সোৱাদ লʼবলৈ বিজয়ী বিধায়কক স্থানান্তৰিত কৰাৰ পৰিকল্পনা কৰিছে কংগ্ৰেছে (Congress) । কংগ্ৰেছৰ সূত্ৰ মতে, অতীতৰ অভিজ্ঞতাৰ পৰা শিক্ষা লৈ এই পদক্ষেপ গ্ৰহণ কৰা হৈছে। চৰকাৰ গঠন কৰিবলৈ কৰ্ণাটকত ১১৩খন আসন লাভ কৰিব লাগিব। সেই শিতানত আশংকা হʼল যে মেজিক নম্বৰ পোৱাৰ পাছতো বিজেপিয়ে হয়তো বিধায়কৰ বজাৰ খেলখনত সোমাই পৰিব৷ সেই সম্ভাৱনাৰ পৰা হাত সাৰিবলৈহে বিধায়কসকলক ‘সুৰক্ষিত’ কৰাৰ পৰিকল্পনা কৰা হৈছে।
