অসম চৰকাৰৰ দ্বিতীয় বৰ্ষপূৰ্তিৰ (Second anniversary of government) দিনটোতেই মুখ্যমন্ত্ৰী ড° হিমন্ত বিশ্ব শৰ্মাই (Dr. Himanta Biswa Sarma) লখিমপুৰৰ নাৰায়ণপুৰত (Narayanpur in Lakhimpur) প্ৰতিষ্ঠিত শ্ৰীশ্ৰীমাধৱদেৱ কলাক্ষেত্ৰ (Sri Sri Madhavadeva Kalakshetra) ৰাইজৰ বাবে মুকলি কৰে। ৪৪.৮৬ বিঘাৰ ক্ষেত্ৰ পৰিসৰত ৫৩.৫৬ কোটি টকা ব্যয়েৰে শ্ৰীশ্ৰীমাধৱদেৱ কলাক্ষেত্ৰ নিৰ্মাণ কৰা হৈছে।
শ্ৰীশ্ৰী মাধৱদেৱ কলাক্ষেত্ৰত সংগ্রহালয়, অতিথিশালা, ৭০০খন আসন ক্ষমতাসম্পন্ন প্ৰেক্ষাগৃহ, দক্ষিণ হাটীত ভকতগৃহ, নামঘৰ আৰু আতা গৃহ, কাৰ্যালয়, নিৰাপত্তাৰক্ষীৰ কাৰ্যালয়, পশ্চিম হাটীত সংগ্ৰহালয়, চৌহদৰ লগতে জলাশয়ৰ উন্নীতকৰণ, পাৰ্কিঙৰ সু-ব্যৱস্থা, চিচি টিভিৰ জৰিয়তে সুৰক্ষাৰ ব্যৱস্থা, সমগ্ৰ চৌহদত সংগীতৰ ব্যৱস্থা, শিশু উদ্যান, পাণ্ডুলিপি ভৱনৰ উন্নীতকৰণ, জলপান গৃহ, মুকলি প্ৰেক্ষাগৃহ আৰু প্ৰসাধন কক্ষ, কলাকৃষ্টি কেন্দ্র, মণিকূট আৰু সত্ৰাধিকাৰৰ বাসভৱনৰ উন্নীতকৰণ আদিৰ ব্যৱস্থা গ্ৰহণ কৰা হৈছে।
আজিৰ এই কাৰ্যসূচীত মুখ্যমন্ত্ৰীৰ লগতে শ্ৰীশ্ৰীবদলা পদ্ম আতা সত্ৰৰ ডেকা সত্ৰাধিকাৰ দীপজ্যোতি মহন্তৰ উপৰি কেইবাখনো সত্ৰৰ সত্ৰাধিকাৰ আৰু পদাধিকাৰসকলৰ লগতে অসম চৰকাৰৰ কেবিনেট মন্ত্ৰীদ্বয় অতুল বৰা আৰু বিমল বড়া, সাংসদদ্বয় প্ৰদান বৰুৱা আৰু পল্লৱলোচন দাস, বিধায়কসকল ক্ৰমে নৱ দলে, মানৱ ডেকা আৰু ড° অমিয় কুমাৰ ভূঞাকে ধৰি বহু বিশিষ্ট ব্যক্তি উপস্থিত থাকে।
