দলঙৰ পৰা বাগৰি পৰে যাত্ৰীবাহী বাছ এখন। এই দুৰ্ঘটনাত ১৫ জন লোকৰ মৃত্যু হয়। আহত হয় আন ২৫জন। মঙলবাৰে পুৱা মধ্যপ্ৰদেশৰ (Madhya Pradesh) খাৰগোনে অঞ্চলত (Khargone) সংঘটিত হয় এই ঘটনা। বাছখন ইন্দোৰ অভিমুখে গৈ আছিল। নিয়ন্ত্ৰণ হেৰুৱাই বাছখনে দলঙৰ ৰেলিং ভাঙি বাগৰি পৰে। আহতসকলক উদ্ধাৰ কৰি ওচৰৰ চিকিৎসালয়ত ভৰ্তি কৰোৱা হয়।
মধ্যপ্ৰদেশ চৰকাৰে মৃতকৰ পৰিয়াললৈ ৪ লাখ টকাৰ আৰ্থিক সাহায্য প্ৰদানৰ কথা ঘোষণা কৰিছে। গুৰুতৰভাৱে আহতসকলৰ বাবে ৫০ হাজাৰ টকা আৰু যিসকলৰ আঘাত গুৰুতৰ নহয় তেওঁলোকৰ বাবে ২৫ হাজাৰ টকাৰ আৰ্থিক সাহায্য ঘোষণা কৰা হৈছে।
