সাংসদ (MP) হিচাপে অযোগ্য ঘোষণা কৰাৰ পিছত ৰাহুল গান্ধীৰ (Rahul Gandhi) বিৰুদ্ধে অন্যায়ৰ অভিযোগ তীব্ৰতৰ কৰিবলৈ লোকসভাৰ অধ্যক্ষ ওম বিৰলাৰ (Om Birla) বিৰুদ্ধে অনাস্থা প্ৰস্তাৱৰ কথা কংগ্ৰেছে চিন্তা-চৰ্চা কৰিছে।http://(Om Birla)
কংগ্ৰেছৰ (Congress) সূত্ৰ অনুসৰি, এই প্ৰস্তাৱ মঙলবাৰে কংগ্ৰেছ সংসদীয় দলৰ বৈঠকত আলোচনা কৰা হয়। অনাস্থা প্ৰস্তাৱৰ খচৰা প্ৰস্তুত কৰা হৈছে। যদি চূড়ান্ত হয় তেন্তে বাকী বিৰোধী দলসমূহৰো সমৰ্থন বিচৰা হʼব। অনাস্থা প্ৰস্তাৱত অধ্যক্ষৰ বিৰুদ্ধে ৰাহুলৰ সাংসদ পদ নাকচ কৰাৰ ‘পক্ষপাতিত্ব’, ‘খৰখেদা সিদ্ধান্তʼৰ অভিযোগ উত্থাপন কৰা হʼব। কংগ্ৰেছৰ সূত্ৰ অনুসৰি, এতিয়ালৈকে পৰিকল্পনা অনুসৰি অহা সোমবাৰে এই প্ৰস্তাৱ অনা হʼব।
তেনে ক্ষেত্ৰত ভাৰতীয় সংসদৰ ইতিহাসত প্ৰথমবাৰৰ বাবে কোনো অধ্যক্ষৰ বিৰুদ্ধে অনাস্থা প্ৰস্তাৱ উত্থাপন কৰা হʼব।কংগ্ৰেছ নেতাসকলে অৱশ্যে এই প্ৰস্তাৱ গৃহীত হোৱাৰ সম্ভাৱনা নাই বুলি একমত। সোমবাৰেও সংসদত অব্যাহত থাকিব এই হুলস্থুল। ফলত হুলস্থুলৰ মাজতে প্ৰস্তাৱ দাখিল কৰাত সমস্যাৰ সৃষ্টি হʼব।
কিন্তু ইয়াৰ মূল উদ্দেশ্য হʼব শাসকীয় শিবিৰলৈ বাৰ্তা প্ৰেৰণ কৰা। বৃহস্পতিবাৰে ৰাহুল গান্ধীক চুৰাটৰ (Surat) আদালতে মোডীৰ উপাধিৰ মানহানিৰ গোচৰত দোষী সাব্যস্ত কৰাৰ ২৪ ঘণ্টাৰ ভিতৰতে লোকসভা সচিবালয়ে তেওঁক সাংসদ হিচাপে অযোগ্য ঘোষণা কৰি অধিসূচনা জাৰি কৰে। ইতিমধ্যে কংগ্ৰেছৰ সাংসদ মনীষ তিৱাৰীয়ে (Manis Tiwari) লোকসভাত এই বিচাৰাধীন প্ৰস্তাৱ উত্থাপন কৰিছে।
তেওঁ আঙুলিয়াই দিয়ে যে সংবিধানৰ ১০২(১) অনুচ্ছেদত সংসদৰ সদস্যক অযোগ্য ঘোষণা কৰাৰ কথা উল্লেখ আছে। সংবিধানৰ ১০৩(১) অনুচ্ছেদত উল্লেখ আছে যে সাংসদক পদৰ পৰা বৰ্খাস্ত কৰাৰ ক্ষমতা ৰাষ্ট্ৰপতিৰ আছে। ১০৩(২) অনুচ্ছেদত কোৱা হৈছে যে তাৰ পূৰ্বে নিৰ্বাচন আয়োগৰ সৈতে আলোচনা কৰাটো প্ৰয়োজনীয়।
তদুপৰি, ৰাহুলক শাস্তি দিয়াৰ পাছতো ৰাহুলক উচ্চ ন্যায়ালয়ত আবেদন দাখিল কৰিবলৈ ৩০ দিনৰ সময় দিছিল চুৰাট আদালতে। তাৰ আগতে সাংসদ পদৰ পৰা বৰ্খাস্ত কৰাটো আইনৰ শাসনৰ বিৰুদ্ধে। কংগ্ৰেছ ৰাজ্যসভাৰ সাংসদ, অধিবক্তা অভিষেক মনু সিংভীয়েও (Abhishek Manu Sighvi) একেই যুক্তি আগবঢ়ায়। ইয়াৰ পূৰ্বে ৰাহুল আৰু কংগ্ৰেছে মোডী-আদানী সম্পৰ্কক লৈ দিয়া বক্তব্য সংসদৰ ৰেকৰ্ডৰ পৰা বাদ পৰাৰ অভিযোগ উত্থাপন কৰে। লগতে লোকসভাত কথা কওঁতে মাইক বন্ধ হৈ থকা বুলিও অভিযোগ উত্থাপন কৰে।
বিৰোধী শিবিৰৰ বহু দল অৱশ্যে এতিয়াও কংগ্ৰেছৰ প্ৰস্তাৱৰ সৈতে একমত নহয়। তৃণমূলৰ সূত্ৰ অনুসৰি, অধ্যক্ষৰ বিৰুদ্ধে কোনো অনাস্থা প্ৰস্তাৱ নাই। তেওঁক পদৰ পৰা অপসাৰণৰ বাবে ‘ইমপিচমেন্ট’ প্ৰস্তাৱ আনিব পাৰি। সকলো দলে একমত নহʼলে বিৰোধীৰ ঐক্যৰ ক্ষতি হʼব পাৰে বুলিও আশংকা কৰা হৈছে।
