এছিয়া (Asia)ৰ প্ৰথম মহিলা ৰে’লচালক (First woman railway driver) সুৰেখা যাদৱ (Surekha Yadav)ৰ শিৰত আন এক মুকুট। মুম্বাই-পুনে-চোলাপুৰ পথত বন্দে ভাৰত এক্সপ্ৰেছ (Vande Bharat Express) চলোৱাৰ দায়িত্ব তেওঁৰ কান্ধত পৰিছে। সুৰেখাৰ যোৱা ৩৪ বছৰে ৰে’ল চলোৱাৰ অভিজ্ঞতা আছে।
নতুন দায়িত্ব গ্ৰহণ কৰাৰ পিছত সুৰেখাই কয়, ‘অত্যাধুনিক বন্দে ভাৰত এক্সপ্ৰেছ চলোৱাৰ সুযোগ দিয়াৰ বাবে মই ভাৰতীয় ৰেʼলৱেৰ প্ৰতি কৃতজ্ঞ।’ সুৰেখাৰ দায়িত্ব লোৱাৰ প্ৰথমদিনাই বন্দে ভাৰত এক্সপ্ৰেছ চোলাপুৰৰ পৰা ওলাই যায় সময়মতে। সময়ৰ পাঁচ মিনিট আগতেই তেওঁ ৰে’লযোগে মুম্বাইৰ ছত্ৰপতি শিৱাজী ষ্টেচন পায়। সুৰেখাই বন্দে ভাৰত চলোৱাৰ আগতে বহুদিন প্ৰশিক্ষণ লʼবলগীয়া হোৱা বুলিও কয়।
চতৰাৰ বাসিন্দা সুৰেখাই ৰেʼলচালক হিচাপে কেৰিয়াৰ আৰম্ভ কৰাৰ পূৰ্বে স্থানীয় ছেইণ্ট পলছ কনভেণ্টৰ পৰা প্ৰাথমিক শিক্ষা সম্পূৰ্ণ কৰিছিল। ইয়াৰ পিছত তেওঁ অভিযান্ত্ৰিক বিষয়ত ডিপ্লমা কৰিছিল। সুৰেখাই ১৯৮৯ চনত সহকাৰী ৰে’লচালক হিচাপে নিজৰ কেৰিয়াৰ আৰম্ভ কৰিছিল।
১৯৯৬ চনত এজনক মালবাহী চালক হিচাপে নিযুক্তি দিয়া হয়। ২০১০ চনত তেওঁক মুম্বাই-পুনে ডেকান কুইন এক্সপ্ৰেছৰ দায়িত্ব দিয়া হয়। দেশৰ আটাইতকৈ ঠেক আৰু কঠিন ৰেʼলপথ হিচাপে পৰিচিত ভোৰঘাটৰ মাজেৰেও সুৰেখাই ৰেʼল চলাইছিল।বৰ্তমান দেশত প্ৰায় ডেৰ হাজাৰ মহিলা ৰেʼলচালক আছে। সুৰেখাই তেওঁলোকক পথ দেখুৱাবলৈ আৰম্ভ কৰিলে।
