এতিয়াৰে পৰা প্ৰদুষণমূক্ত হ’ব বোকাজান চিমেণ্ট ফেক্টৰী (Bokajan Cement Factory) ৷ বোকাজান চিমেণ্ট ফেক্টৰীৰ পৰা নিৰ্গত হোৱা ধোঁৱা আৰু ধুলিয়ে বোকাজানৰ লগতে ইয়াৰ উপ কণ্ঠ অঞ্চলত প্ৰদূষণ (Pollution) সৃষ্টি কৰি ভাবুকি সৃষ্টি কৰি অহাৰ সময়তে চিমেণ্ট ফেক্টৰীত আজি এক অত্যাধুনিক প্ৰযুক্তিৰ আধাৰশিলা স্থাপন কৰা হ’ল৷ কলিকতাৰ invent fans private limited নামৰ সংস্থা এটাই চিমেণ্ট ফেক্টৰীটোক প্ৰদুষণমূক্ত (Pollution-ridden) কৰিবলৈ ২০২৪ চনৰ ভিতৰত এই প্ৰকল্পটো সম্পূৰ্ণ কৰি তুলিব বুলি আশ্বাস প্ৰদান কৰিছে। প্ৰায় ৮ কোটি ব্যয় সাপেক্ষে নিৰ্মাণ কৰা হ’ব এই প্ৰকল্পটো।
আজি প্ৰকল্পটোৰ শুভাৰম্ভ কৰে মুখ্য পৰিচালন সঞ্চালক সঞ্জয় বাঙ্গাই, মুখ্য অতিথি হিচাপে উপস্থিত থাকে কাৰ্বি আংলং স্বায়ত্ত শাসিত পৰিষদৰ প্ৰধান সচিব মুকুল কুমাৰ শইকীয়া (Mukul Kumar Saikia), পৰিষদীয় সদস্য মাধুৰ্য ঢেকিয়াল ফুকন, বোকাজানৰ মহকুমাধিপতি অনুপ কুমাৰ ব্ৰহ্মৰ উপৰিও ভালে কেইজন গণ্যমান্য ব্যক্তি। বোকাজান চিমেণ্ট ফেক্টৰীৰ পৰা সৃষ্টি হোৱা প্ৰদূষণৰ বাবে বোকাজান নগৰলৈ ভাবুকি সৃষ্টি কৰি আহিছিল আৰু এইলৈ মহকুমাটোৰ বিভিন্ন সংগঠনে চিমেণ্ট ফেক্টৰীটোৰ মাৰাত্মক প্ৰদূষণ ৰোধৰ বাবে ব্যৱস্থা গ্ৰহণ কৰিবলৈ সংশ্লিষ্ট কৰ্তৃপক্ষৰ ওচৰত দাবী জনাই আহিছিল ৷
উক্ত অত্যাধুনিক প্ৰযুক্তিৰ আঁচনি ৰূপায়নেৰে পূৰদুষণ প্ৰতিৰোধ হলে বোকাজানবাসীয়ে স্বস্তিৰ নিশ্বাস পেলাব বুলি সচেতন মহলে মত পোষণ কৰিছে।