কলেজৰ উৎসৱত নাচি নাচি মৃত্যুৰ কোলাত ঢলি পৰিল এজন যুৱক। কলেজৰ উৎসৱত (College Festival) অংশ লৈছিল। মঞ্চত নাচি থকা অৱস্থাত হঠাৎ মাটিত পৰি যোৱা দেখা গʼল ছাত্ৰজন। মহাবিদ্যালয় কৰ্তৃপক্ষই জনোৱা মতে, তৎকালীন চিকিৎসাৰ পিছতো তেওঁক বচাব পৰা নগ’ল।
বেঙ্গালুৰুৰ আজিম প্ৰেমজী বিশ্ববিদ্যালয়ত (Azim Premji University, Bengaluru) সংঘটিত হয় এই ঘটনা। মৃত ছাত্ৰজনৰ নাম অভিজিৎ শিণ্ডে (Abhijit Shinde) (২৬)।তেওঁৰ ঘৰ মহাৰাষ্ট্ৰৰ নাচিকত। শুকুৰবাৰে কলেজৰ উৎসৱৰ সময়ত নাচি (Dance) থকা অৱস্থাত তেওঁৰ মৃত্যু (Death) হয়। হৃদৰোগত আক্ৰান্ত (Heart Attack) হৈ তেওঁৰ মৃত্যু হোৱা বুলি অনুমান কৰা হৈছে। আৰক্ষীয়ে জনোৱা মতে, মৃত ছাত্ৰজনৰ পৰিয়ালৰ সৈতে যোগাযোগ কৰা হৈছে।
তেওঁলোক শনিবাৰে মহাবিদ্যালয়ৰ চৌহদত উপস্থিত হʼব। ইয়াৰ পিছতে আইনী প্ৰক্ৰিয়া সম্পূৰ্ণ কৰি ছাত্ৰজনৰ মৃতদেহ তেওঁলোকৰ হাতত গতাই দিয়া হʼব।নাচিকৰ যুৱকজন বেঙ্গালুৰুৰ বিশ্ববিদ্যালয়ৰ স্নাতকোত্তৰ প্ৰথম বৰ্ষৰ ছাত্ৰ আছিল। তেওঁৰ মৃত্যুৰ পিছত বিশ্ববিদ্যালয় কৰ্তৃপক্ষই এক বিবৃতি প্ৰকাশ কৰি শোক প্ৰকাশ কৰে।
তেওঁলোকে কয়, “বিশ্ববিদ্যালয় চৌহদত ছাত্ৰজনৰ দুৰ্ভাগ্যজনক মৃত্যুত আমি দুখী। বিশ্ববিদ্যালয়ৰ বাৰ্ষিক অনুষ্ঠানত অংশগ্ৰহণ কৰে ছাত্ৰজনে। নাচি থাকোঁতে হঠাৎ মঞ্চত ঢলি পৰে। লগে লগে তেওঁৰ চিকিৎসাৰ ব্যৱস্থা কৰা হয়। কিন্তু বহু চেষ্টাৰ পিছতো ৰক্ষা কৰিব পৰা নগʼল। তেখেতৰ পৰিয়াল আৰু বন্ধু-বান্ধৱীলৈ সমবেদনা জ্ঞাপন কৰিলোঁ।”
আৰক্ষীৰ তথ্য অনুসৰি, যোৱা দুদিন ধৰি বিশ্ববিদ্যালয় চৌহদত ছাত্ৰ-ছাত্ৰীয়ে প্ৰতিবাদ সাব্যস্ত কৰি আছিল। হোষ্টেলৰ পৰা কেম্পাছলৈ বাছৰ ভাড়া হ্ৰাস কৰাৰ দাবীত কেইবাগৰাকীও স্নাতকোত্তৰ ছাত্ৰ-ছাত্ৰীয়ে প্ৰতিবাদ সাব্যস্ত কৰিছিল। কিন্তু অভিজিতে প্ৰতিবাদত অংশ লোৱা নাছিল বুলি কৰ্তৃপক্ষই জানিবলৈ দিয়ে।
