কংগ্ৰেছৰ মুখপাত্ৰ (Congress spokesperson) পৱন খেৰাৰ (Pawan Khera) বিৰুদ্ধে উদ্যোগপতি গৌতম আদানীৰ (Gautam Adani) গ্ৰুপৰ প্ৰতি অনুকূলতাৰ অভিযোগ উত্থাপন (allegations made) কৰি প্ৰধানমন্ত্ৰীক ‘নৰেন্দ্ৰ গৌতমদাস মোদী’ আখ্যা দিয়াৰ বাবে বাৰাণসী আৰু লক্ষ্ণৌত এফআইআৰ (FIR) দাখিল কৰা হৈছে। খেৰাৰ বিৰুদ্ধে মানহানি, শান্তি-শৃংখলা বিঘ্নিত, ঘৃণা সৃষ্টিৰ অভিযোগত গোচৰ ৰুজু হৈছে।
সোমবাৰে অমিত শ্বাহে ৰাহুল গান্ধীক লক্ষ্য কৰি কয় যে ৰাহুল নেতা হোৱাৰ পিছৰে পৰা কংগ্ৰেছৰ মানদণ্ড কমি আহিছে। ৰাজ্যৰ ৰাজ্যিক বিজেপি নেতাসকলেও কংগ্ৰেছে নৰেন্দ্ৰ মোদীৰ পিতৃক অপমান কৰাৰ অভিযোগ উত্থাপন কৰিছে।উল্লেখ্য, খেৰাই প্ৰধানমন্ত্ৰীক নৰেন্দ্ৰ গৌতমদাস মোদী বুলি কটাক্ষ কৰে। ইয়াৰ পিছত তেওঁ এই মন্তব্যও কৰিছিল যে ‘নাম দামোদৰদাস, কামত গৌতমদাস’।
কংগ্ৰেছৰ বহুতেই আশংকা কৰে যে পূৰ্বতে মণিশঙ্কৰ আয়াৰে মোদীক ‘নীচ কিছম কা আদমী’ বুলি কোৱাত নিজৰ অʼবিচি পৰিচয়ৰ সুযোগ লোৱাৰ দৰে কৌশল ব্যৱহাৰ কৰিবলৈ চেষ্টা কৰিছে। আনহাতে, খেৰাৰ মন্তব্যৰ বিৰুদ্ধে দিল্লীত বিজেপিয়ে বিক্ষোভ প্ৰদৰ্শন কৰে।
পৱন খেৰাই অৱশ্যে মোদীৰ মন্তব্যত আঙুলিয়াই কয়, “নেহৰুৰ উপাধি ব্যৱহাৰ কৰিবলৈ গান্ধীয়ে কিয় লাজ পায়?” ইফালে অমিত শ্বাহৰ সমালোচনাৰ প্ৰতিক্ৰিয়া প্ৰকাশ কৰি খেৰাই কয়, “যেতিয়া আপুনি দেশৰ প্ৰথম প্ৰধানমন্ত্ৰীক অপমান কৰে, তেতিয়া নৰ্থ ব্লকৰ ‘হিজ মাষ্টৰৰ ভইচ’এ একো নকয়। মই প্ৰধানমন্ত্ৰীৰ পিতৃক অপমান কৰা নাছিলো। মোৰ তেনেকুৱা সংস্কৃতিও নহয়।”
আনহাতে, আদানীক লৈ প্ৰশ্ন উত্থাপন কৰি প্ৰিয়ংকা গান্ধী ভাদ্ৰাই কয়, “গৌতম আদানীৰ বিৰুদ্ধে ভুৱা কোম্পানী খোলাৰ অভিযোগ উত্থাপন হৈছে যদিও তদন্ত হৈছে নেকি? কিন্তু কংগ্ৰেছৰ অধিৱেশনত বাধা দিবলৈ, মোদী আৰু তেওঁৰ সহযোগীসকলৰ বিষয়ে প্ৰশ্ন কৰা বন্ধ কৰিবলৈ চিবিআই-ইডিক অনা হৈছে।” মুখ্যমন্ত্ৰী ভূপেশ বাঘেলে ছত্তীশগড়ত ইডিৰ অভিযান সন্দৰ্ভত কয়, “ইডিয়ে ‘থাৰ্ড ডিগ্ৰী’ প্ৰয়োগ কৰিছে। ৰডেৰে কোবোৱা হৈছে। ইয়াৰ বিৰুদ্ধে মই উচ্চতম ন্যায়ালয়লৈ যাম।”
