শুকুৰবাৰে পদত্যাগ (Resignation) কৰে ভাৰতীয় ক্ৰিকেটৰ মুখ্য নিৰ্বাচক (Chief Selector of Indian Cricket) চেতন শৰ্মা (Chetan Sharma)ই। তেওঁৰ ঠাইত মুখ্য নিৰ্বাচক হিচাপে দায়িত্ব (Responsibility as Chief Selector) লʼব শিৱসুন্দৰ দাসে (Shivsunder Das)। অনাগত দিনত বোৰ্ডে তেওঁৰ হাতত দায়িত্ব অৰ্পণ কৰিব পাৰে।
ভাৰতৰ হৈ ২৩খন টেষ্ট খেলা শিৱসুন্দৰে কিছুদিন পূৰ্বে বাছনি সমিতিত সুযোগ পাইছিল। সৌৰভ গাংগুলী ভাৰতীয় দলৰ অধিনায়ক হৈ থকাৰ সময়ত শিৱসুন্দৰে আন্তঃৰাষ্ট্ৰীয় মেচ খেলিছিল। আগতে তেওঁ ওড়িশাৰ হৈ প্ৰথম শ্ৰেণীৰ ক্ৰিকেট খেলিছিল। ভাৰতৰ হৈ চাৰিখন এদিনীয়াও খেলিছিল শিৱসুন্দৰে। টেষ্টত দুশ ৰান কৰি ১৩২৬ ৰান সংগ্ৰহ কৰে।
বাছনি সমিতিৰ আন সদস্যসকলতকৈ আন্তঃৰাষ্ট্ৰীয় ক্ৰিকেটত শিৱসুন্দৰৰ অভিজ্ঞতা অলপ বেছি। সেইবাবেই তেওঁক এই দায়িত্ব দিয়া হৈছে।উল্লেখ্য, কিছুদিন পূৰ্বে এটা সংবাদ মাধ্যমৰ গোপন কেমেৰাত চেতনে কৈছিল যে ভাৰতীয় দলৰ ক্ৰিকেটাৰে ইঞ্জেক্সনেৰে খেলে। চেতনে আৰু কয় যে যশপ্ৰীত বুমৰাই এই কাম কৰিছিল। সৌৰভ আৰু বিৰাট কোহলীৰ মাজত ইগো যুদ্ধ হোৱা বুলিও তেওঁ দাবী কৰে। চেতনে বিৰাট আৰু ৰোহিত শৰ্মাৰ মাজত হোৱা বিভাজনৰ কথাও কয়।
অনুভৱ হৈছিল যে এইকথা বোৰ্ডে ভালদৰে লʼব পৰা নাই। বোৰ্ডে এটা সংবাদ মাধ্যমৰ আগত দাবী কৰে যে চেতনে পদত্যাগ কৰিবলৈ বাধ্য হোৱা নাছিল। যদিও বহুতে অনুভৱ কৰে যে চেতনে পদত্যাগ নকৰিলে বোৰ্ডে তেওঁক অপসাৰণ কৰিলেহেঁতেন। দলৰ ভিতৰৰ মানুহক এনেদৰে উদঙাই দিয়াটো বোৰ্ডে ভালকৈ লোৱা নাছিল।
১৪ ফেব্ৰুৱাৰীত চেতনে গোপন কেমেৰাত মুখ খোলা ভিডিঅ’ পোহৰলৈ আহে। ষ্টিং অপাৰেচনৰ ভিডিঅʼত মুখ্য নিৰ্বাচক চেতনে কোৱা শুনা যায়, “সৌৰভ আৰু বিৰাটৰ মাজত আদর্শগত যুদ্ধ হৈছিল। সৌৰভে এবাৰ ভাৰতীয় দলটোক নেতৃত্ব দিছিল। সেই সময়ত বিৰাট আছিল নেতা। কোন ডাঙৰ তাক লৈ কাজিয়া হৈছিল।”
