মাতৃৰ লিভ ইন পাৰ্টনাৰৰ (Mother’s Live-in Partner) বিৰুদ্ধে ধৰ্ষণৰ অভিযোগ (Allegations of rape)। অভিযোগ অনুসৰি, নাবালিকা হৈ থকাৰ পৰায়ে মাকৰ সংগীয়ে দিনৰ পিছত দিন যৌন নিৰ্যাতন চলাইছিল। শুকুৰবাৰে ন্যায়াধীশে দোষী সাব্যস্ত কৰে ৩৯ বছৰীয়া অভিযুক্তক। POCSO গোচৰত মুম্বাই (Mumbai)ৰ এখন বিশেষ আদালতে তেওঁক ১০ বছৰৰ কাৰাদণ্ডৰ শাস্তি প্ৰদান কৰে।
যুৱতীগৰাকীয়ে ২০১৬ চনত তেওঁৰ বয়স ১৬ বছৰ বুলি অভিযোগ কৰে। তেওঁ মাকৰ সৈতে শিৱাজীনগৰ (Sivajinagar) অঞ্চলত বাস কৰিছিল। তাতেই পঞ্চম-ষষ্ঠ মানত পঢ়ি থকা সময়ত মাকৰ লিভ ইন পাৰ্টনাৰে শাৰীৰিক নিৰ্যাতন চলাইছিল বুলি দাবী কৰিছে ভুক্তভোগীয়ে। এই বিষয়ে কাৰোবাক কʼলে তেওঁক মৃত্যুৰ ভাবুকি দিয়া হৈছিল। অভিযোগকাৰীয়ে দাবী কৰে যে তেওঁৰ ওপৰত দিনৰ পিছত দিন শাৰীৰিক আৰু মানসিক নিৰ্যাতন অব্যাহত আছিল।
কন্যাৰ অভিযোগত সাক্ষী দিয়ে মাতৃয়ে। দীৰ্ঘদিন ধৰি অসুস্থতাৰ অন্তত স্বামীৰ মৃত্যু হোৱা বুলি অভিযোগত উল্লেখ কৰিছে। ইয়াৰ পিছত তেওঁ অভিযুক্তৰ সৈতে সম্পৰ্ক গঢ়ি তুলিছিল। তেওঁলোকে একেলগে থাকিবলৈ আৰম্ভ কৰে। সেই সময়ত অভিযুক্তই কিশোৰীগৰাকীক লৈ আপত্তি কৰা নাছিল। কিছুদিন পিছত লিভ ইন পাৰ্টনাৰজনে কাম এৰি ঘৰতে থাকিবলৈ ধৰে।
লাহে লাহে তেওঁ মদৰ প্ৰতি আসক্ত হৈ পৰে। তেওঁ ড্ৰাগছ সেৱন কৰিবলৈও ধৰে। মহিলাগৰাকীয়ে অভিযোগ কৰে যে কৰ্মস্থলীৰ পৰা ঘৰলৈ উভতি অহাৰ এদিন পিছত তেওঁৰ লিভ ইন পাৰ্টনাৰ নাবালিকা কন্যাক নিৰ্যাতন চলাই থকা দেখা পায়। দুয়োজনৰ মাজত অশান্তিৰ সৃষ্টি হয়।
কিন্তু ২০১৬ চনৰ জুলাই মাহত ছোৱালীজনী গৰ্ভৱতী হোৱাত মাতৃৰ মূৰত আকাশী সৰগ ভাঙি পৰে। ছোৱালীজনীয়ে মাতৃক কয় যে তেওঁৰ এজন লʼৰাৰ লগত সম্পৰ্ক আছে। তেওঁৱেই ‘অত্যাচাৰ’ কৰিছিল। সকলো কথা শুনি মাতৃয়ে জীয়েকক চিকিৎসকৰ ওচৰলৈ লৈ যায়।
কিন্তু পিছত ছোৱালীজনীৰ পৰা গম পায় যে এই কাৰ্যৰ বাবে ‘সতিয়া পিতৃ’ দায়ী। জীৱনৰ ভয়ত তেওঁ মাতৃক মিছা কথা কৈছিল। ইয়াৰ পিছত মাতৃ-কন্যাই আইনৰ কাষ চাপে।ডিএনএ ৰিপোৰ্ট, বিশেষজ্ঞ চিকিৎসকৰ পৰামৰ্শ আৰু ৯জন লোকৰ সাক্ষী-প্ৰমাণৰ ভিত্তিত আদালতে অভিযুক্তক দোষী সাব্যস্ত কৰে।
