দেওবাৰ (Sunday)ৰ পৰা আৰম্ভ হʼব কাটাৰ বিশ্বকাপ ফুটবল (Qatar Fifa world cup Foot Ball)। অংশগ্ৰহণকাৰী ৩২ খন দেশ (32 countries) ইতিমধ্যে গৈ দোহা (Doha)ত উপস্থিত হৈছে। প্ৰতিযোগিতাত কোনে জয়ী হʼব সেই লৈ ইতিমধ্যে আৰম্ভ হৈছে জল্পনা-কল্পনা। যেনেকৈ লিয়নেল মেছি বা ক্রিষ্টিয়ানো ৰোনাল্ডোৱে ট্ৰফী জয় কৰিব পাৰিবনে নাই তাকে লৈ চৰ্চা চলিছে, তেনেদৰে নেইমাৰৰ ব্ৰাজিলকো একাংশই প্ৰতিদ্বন্দ্বী বুলি গণ্য কৰে। বিশ্বকাপৰ পূৰ্বে তিনিটা সংগঠনে সম্ভাৱ্য বিজয়ীক বাছি লৈছে। উল্লেখনীয়ভাৱে সকলোতে এখন দেশৰ নামেই ওলাইছে।
পিছে কোন সেই দেশ ?
অক্সফৰ্ড বিশ্ববিদ্যালয়ৰ গৱেষণা আৰু লণ্ডনৰ এলান টুৰিং ইনষ্টিটিউটৰ তথ্য অনুসৰি, ১৮ ডিচেম্বৰত নেইমাৰৰ ব্ৰাজিলে বিশ্বকাপ তুলি লʼব। দুয়োটা স্থানতে বেলজিয়ামক সম্ভাৱ্য চূড়ান্ত প্ৰতিযোগী হিচাপে ধৰা হৈছে। তৃতীয় স্থানত থাকিব আৰ্জেণ্টিনা। অক্সফৰ্ড ইউনিভাৰ্চিটিৰ তথ্য অনুসৰি, ব্ৰাজিলে ছেমি ফাইনেলত আৰ্জেণ্টিনাক পৰাস্ত কৰিব।
লণ্ডনৰ এলান টুৰিং ইনষ্টিটিউটৰ তথ্য অনুসৰি, ব্ৰাজিলৰ চেম্পিয়ন হোৱাৰ সম্ভাৱনা ২৫ শতাংশ। বেলজিয়ামৰ জয়ৰ সম্ভাৱনা ১৮.৯ শতাংশ। আৰ্জেণ্টিনাৰ সম্ভাৱনা ১৩.২ শতাংশ। ইয়াৰ পিছতে ফ্ৰান্স, ইংলেণ্ড, স্পেইন, নেদাৰলেণ্ড, ডেনমাৰ্ক, পৰ্তুগাল আৰু ক্ৰোৱেচিয়া।
কিন্তু বিশ্লেষণ কেনেকৈ কৰা হয়?
সংস্থাটোৰ মতে, ২০০২ চনৰ বিশ্বকাপৰ পিছৰ পৰা সকলো খেলৰ ফলাফল বিশ্লেষণ কৰি আৰু সকলো দলৰ প্ৰদৰ্শন বিচাৰ কৰি গাণিতিকভাৱে এই বিশ্লেষণ কৰা হৈছে।
সংস্থাটোৰ গৱেষক নিক বাৰ্লোৱে কয় যে ফুটবলত বহু আচৰিত কথা আছে। গতিকে ট্ৰফী কোনে পাব সেইটো আগতীয়াকৈ কোৱা সহজ নহয়। কিন্তু এই বিশ্লেষণৰ সৈতে আমি বহু অধ্যয়ন কৰিলোঁ। এতিয়া আমি চাব লাগিব ইয়াৰ কিমান মিল আছে।”
নীলছনৰ গ্ৰেচেনোট কোম্পানীয়ে আন এক সমীক্ষা চলাইছিল। তাতো ব্ৰাজিলে ষষ্ঠবাৰৰ বাবে বিশ্ব চেম্পিয়ন হʼবলৈ ওলাইছে। তেওঁলোকৰ মতে ব্ৰাজিলৰ এই ট্ৰফী জয়ৰ সম্ভাৱনা ২০ শতাংশ। আৰ্জেণ্টিনাৰ বাবে সম্ভাৱনা ১৬ শতাংশ। অৱশ্যে গ্ৰুপৰ সকলো খেলতে জয়লাভ কৰিলে দুটা দলে ছেমি ফাইনেলত মুখামুখী হʼব পাৰে। অৱশ্যে গ্ৰেচেনোটে দাবী কৰিছে যে দুয়োটা দলে ফাইনেলত মুখামুখী হʼব। আজিলৈকে ব্ৰাজিল-আৰ্জেণ্টিনা বিশ্বকাপৰ ফাইনেলত কেতিয়াও মুখামুখী হোৱা নাই।
গ্ৰেচেনোটৰ বিশ্লেষণ অৱশ্যে যোৱা চাৰি বছৰৰ প্ৰদৰ্শনৰ ওপৰত ভিত্তি কৰি কৰা হৈছে। ব্ৰাজিল, আৰ্জেণ্টিনাৰ লগতে নেদাৰলেণ্ড, পৰ্তুগাল, স্পেইন, বেলজিয়াম, ফ্ৰান্সৰ দৰে দলক স্থান দিয়া হৈছে। গ্ৰেচেনোটে দাবী কৰিছে যে ইংলেণ্ডৰ লগতে ইৰাণেও গ্ৰুপ বিৰ পৰা পৰৱৰ্তী ৰাউণ্ডলৈ যাব। গ্ৰেচেনোটে জনোৱা মতে, এছিয়াৰ পৰা পৰৱৰ্তী ৰাউণ্ডলৈ আগবাঢ়িব পৰা একমাত্ৰ দল হʼব ইৰাণ।
