ফেচবুকত তেওঁলোকৰ চিনাকি হৈছিল। তাৰ পিছত লাহে লাহে প্রণয়ৰ সম্পর্ক গঢ়ি উঠে। দীর্ঘ ১০ বছৰ ধৰি তেওঁলোকৰ মাজত প্রেমৰ সম্পর্ক চলে। সম্প্রতি সেই সম্পর্কই পৰিণতিও পায়। কিন্তু বিয়াৰ ছয়দিনৰ ভিতৰতে পত্নীক এৰি পলায়ন কৰে স্বামীয়ে। সুবিচাৰৰ আশাত যুৱতীগৰাকী এতিয়া আৰক্ষীৰ দ্বাৰস্থ হৈছে।
ঘটনাটি উত্তৰ প্রদেশৰ। কানপুৰৰ এগৰাকী যুৱতীৰ লগত ফেচবুকত প্ৰেমালাপ কৰে শৈলেন্দ্র সিং নামৰ এজন যুৱকে। ১০ বছৰ ধৰি সেই সম্পর্ক ধৰি ৰাখে দুয়োজনে। এই সময়ৰ মাজতেই দুয়োজনৰ প্ৰায় কেইবাবাৰো সাক্ষাতো হয়।
দীর্ঘ ১০ বছৰৰ প্রেমৰ সম্পর্কক পৰিণতি দিয়াৰ কাৰণে দুয়োজনেই বিয়াৰ সিদ্ধান্ত লয়।যোৱা ১ জুলাইত শৈলেন্দ্র আৰু কানপুৰৰ যুৱতীগৰাকীয়ে বিয়া পাতিলে। কিন্তু সেই পৰিণতিৰ যে ‘চৰম পৰিণতি’ হ’ব সেইটো ঘুণাক্ষৰেও ধৰিব পৰা নাছিল যুৱতীগৰাকীয়ে।
বিয়াৰ প্রথম পাঁচ দিন বেছ ভাল দৰেই গৈছিল দুয়োজনৰ। নতুন জীৱনত প্রৱেশ কৰি বহুত আনন্দত আছিল যুৱতীগৰাকী। কিন্তু বিয়াৰ ষষ্ঠদিনাই তাইৰ জীৱনৰ সকলো ওলট-পালট হৈ যায়। পত্নীক এৰি নাপাত্তা হয় শৈলেন্দ্র। ফেচবুকত যি সম্পর্ক ১০ বছৰ টিকিছিল, মাত্র ছয়দিনতেই সেই সম্পর্ক ভাঙি থান-বান হৈ গʼল।
স্বামীক বিচাৰি নাপায় দিশহাৰা হৈ যুৱতীগৰাকী আৰক্ষীৰ দ্বাৰস্থ হয়। ১০ জুলাইত শৈলেন্দ্রক বিচাৰি চলাথ কৰে আৰক্ষীয়ে। তাৰ পিছত যুৱতীগৰাকীয়ে অভিযোগ কৰে যে শৈলেন্দ্রক যৌতুকৰ বাবে তেওঁৰ দেউতাকৰ ঘৰত হেঁচা প্ৰয়োগ কৰা হৈছে। ২৫ লাখ টকা নগদ লগতে গাড়ীও দাবী কৰিছে তেওঁৰৰ স্বামীয়ে।
যুৱতীগৰাকীৰ আৰু অভিযোগ যে ১০ বছৰৰ সম্পর্কত তেওঁৰ লগত একাধিকবাৰ শাৰীৰিক সম্পর্ক স্থাপন কৰিছিল শৈলেন্দ্রই। বিয়াৰ বাবে বাৰে বাৰে জোৰ দিছিল। ইয়াৰ পিছত তেওঁলোকে কোৰ্টত পঞ্জীয়ন কৰি বিয়া পাতে।
