দেশজুৰি ভয় বৃদ্ধি পাইছে কৰোনাক লৈ। একেকোবে ৪০ শতাংশ বাঢ়িল কৰোনাত দৈনিক আক্রান্তৰ সংখ্যা। একে সময়তে আক্রান্তৰ হিচাহত ২ হাজাৰৰ সীমা অতিক্ৰম কৰিলে মহাৰাষ্ট্র আৰু কেৰালাত। উদ্বেগ বৃদ্ধি কৰি দৈনিক আক্রান্তৰ হিচাবত কেৰালাক চেৰ পেলাই আগতেই শীর্ষত উপনীত হৈছে মহাৰাষ্ট্র।
মহাৰাষ্ট্রত বিগত ২৪ ঘণ্টাত মুঠ ২ হাজাৰ ৭০১ জন কৰোনাত আক্রান্ত হৈছে। ইয়াৰ পিছতেই আছে কেৰালা। কেৰালাত বিগত এটা দিনত আক্রান্ত হৈছে ২ হাজাৰ ২৭১ জন। মহাৰাষ্ট্রত কৰোনা আক্রান্তৰ সংখ্যা অন্তিম পাঁচ দিনত উল্লেখযোগ্যভাবে বৃদ্ধি পাইছে। লগতে, একেৰাহে কেইসপ্তাহমান পিছত মহাৰাষ্ট্রত কৰোনা সংক্রমিতৰ দৈনিক গড় ডেৰ হাজাৰ স্পৰ্শ কৰিছে।
কেন্দ্রীয় স্বাস্থ্য মন্ত্রালয়ৰ কোভিড বুলেটিন অনুযায়ী, বিগত ২৪ ঘণ্টাত দেশত নতুনকৈ ৭ হাজাৰ ২৪০ জন কৰোনাত আক্রান্ত হৈছে। বুধবাৰে এই সংখ্যা আছিল ৫ হাজাৰ ২৩৩।
নতুনকৈ আক্রান্তৰ সংখ্যা বৃদ্ধিৰ পিছত দেশত মুঠ কৰোনা আক্রান্তৰ সংখ্যা বৃদ্ধি হৈ হৈছে ৪ কোটি ৩১ লক্ষ ৯৭ হাজাৰ ৫২২। সক্রিয় কৰোনা আক্রান্তৰ সংখ্যা ৩২ হাজাৰ ৪৯৮।
আনহাতে, দেশত বিগত ২৪ ঘণ্টাত কৰোনা আক্রান্ত হৈ মৃত্যু হৈছে ৮ জনৰ। মুঠ মৃত্যুৰ সংখ্যা হৈছে ৫ লক্ষ ২৪ হাজাৰ ৭২৩ জন।
