কমনৱেলথত মীৰাবাঈ চানুৰ যুঁজ ৪৯ কেজিত:

টকিঅ’ অলিম্পিকত ৰূপ বিজয়ী ভাৰতৰ মহিলা ভাৰোত্তোলক মীৰাবাঈ চানুই আসন্ন কমনৱেলথ গেমছত ৫৫ কেজি ওজন বিভাগত খেলিব নোৱাৰিব। টকিঅ’ অলিম্পিকত ৪৯ কেজি বিভাগত ৰূপ প্রাপ্ত চানুই এইবাৰ ৫৫ কেজি বিভাগত কমনৱেলথ গেমছত নমাব বিচাৰিছিল ৰাষ্ট্ৰীয় ভাৰোত্তোলন ফেডাৰেচনে।

এই প্রতিযোগিতাত পদকৰ সংখ্যা বৃদ্ধিৰ বাবেই এই সিদ্ধান্ত লৈছিল তেওঁলোকে। কিন্তু সেয়া খাৰিজ কৰিছে ভাৰোত্তোলনৰ আন্তর্জাতিক সংস্থাটোৱে। ফলত ২৮ জুলাইৰ পৰা ৮ আগষ্টলৈ হ’বলগা কমনৱেলথ গেমছত চানুই তেওঁৰ পুৰণি ৪৯ কেজি বিভাগতেই নামিব দেশৰ হৈ। উল্লেখ্য, এইবাৰৰ কমনৱেলথ গেমছ বার্মিংহামত অনুষ্ঠিত হ’ব।