মনোৰঞ্জনঃ
বলীউডৰ অভিনেত্ৰী শ্ৰদ্ধা কাপুৰে সদায় তেওঁৰ প্ৰেম জীৱনৰ বিষয়ে কোনোধৰণৰ মন্তব্য নকৰে। বলীউডত প্ৰায়ে ওলাই থকা একমাত্ৰ কথাটো হ’ল যে অভিনেত্ৰী গৰাকী ফটোগ্ৰাফাৰ ৰোহন শ্ৰেষ্ঠৰ সৈতে প্ৰেমৰ সম্পৰ্কত আছে। দুয়োজনে ইজনে সিজনক তেওঁলোকৰ কলেজৰ দিনৰ পৰাই চিনি পায় আৰু তেওঁলোকৰ বিবাহৰ খবৰ দীৰ্ঘদিন ধৰি ওলাই আহিছে।
শেহতীয়াকৈ সংবাদ মাধ্যমৰ বাতৰি অনুসৰি, শ্ৰদ্ধা কাপুৰ আৰু ৰোহন শ্ৰেষ্ঠৰ পথ এতিয়া চিৰদিনৰ বাবে পৃথক হৈ গৈছে। ইফালে, শ্ৰদ্ধা কাপুৰৰ নতুন ফটো ছ’চিয়েল মিডিয়াত ভাইৰেল হৈ পৰিছে।
পিংকভিলাই নিজৰ প্ৰতিবেদনত দাবী কৰিছিল যে শ্ৰদ্ধা আৰু ৰোহনে ৪ বছৰ ধৰি ইজনে সিজনক ভাল পোৱাৰ সম্পৰ্ক কৰাৰ পিছত এতিয়া সম্পৰ্কটো সমাপ্ত কৰিছে। তেওঁলোক দুয়োজনে ফেব্ৰুৱাৰীত এই সিদ্ধান্ত লৈছিল। জানিব পোৱা মতে, দুয়োজনৰ বিচ্ছেদৰ খবৰবোৰ এইকাৰণে আহিছে কিয়নো শ্ৰদ্ধা কাপুৰৰ জন্মদিন উদযাপনত ৰোহন শ্ৰেষ্ঠ উপস্থিত নাছিল।
শ্ৰদ্ধা কাপুৰে ৩ মাৰ্চত গোৱাত তেওঁৰ জন্মদিন উদযাপন কৰিছিল আৰু তাৰ পৰা উভতি অহাৰ সময়ত তেওঁক বিমানবন্দৰত অকলে দেখা গৈছিল। যদিও এই মুহূৰ্তলৈকে ব্ৰেকআপ বাতৰিৰ প্ৰতি দুয়োপক্ষৰ কোনো প্ৰতিক্ৰিয়া নাই।
সংবাদ মাধ্যমত বহুবাৰ উল্লেখ কৰা হৈছে যে শক্তি কাপুৰে শ্ৰদ্ধা কাপুৰ আৰু ৰোহন শ্ৰেষ্ঠৰ মাজৰ সম্পৰ্কৰ বিষয়ে স্পষ্টীকৰণ দিয়া নাই। শক্তি কাপুৰে এবাৰ অভিনেত্ৰীগৰাকীৰ বিবাহৰ বাতৰিৰ ওপৰত তেওঁৰ নীৰৱতা ভংগ কৰি কৈছিল যে,” শ্ৰদ্ধা এতিয়া তেওঁৰ কেৰিয়াৰত ব্যস্ত হৈ আছে।”
