নিউজ ডেস্কঃ
যুদ্ধক্ষেত্রৰ পৰাও বিয়পিব পাৰে কৰোনা ভাইৰাছ, আশঙ্কা প্রকাশ কৰিলে বিশ্ব স্বাস্থ্য সংস্থাই (হু)। ইউক্রেইনতো বাদেই, তাৰ প্রতিবেশী দেশবোৰকো এই ক্ষেত্ৰত সতর্ক কৰা হৈছে।
একে সময়তে হুই ৰুছ সেনাবাহিনীক অনুৰোধ কৰিছে ইউক্রেইনৰ স্বাস্থ্যকেন্দ্র আৰু হস্পিটেলবোৰৰ কোনো ক্ষতি নকৰিবলৈ। দুয়ো দেশৰ এই যুদ্ধৰ প্রভাব কৰোনাৰ বিৰুদ্ধে যুঁজত যাতে নপৰে সেই দিশটোত নজৰ দিবলৈও আবেদন জনোৱা হৈছে।
বিগত ১৯ দিনত প্রায় ২০ লাখ লোকে ইউক্রেইন এৰি প্রতিবেশী দেশবোৰত আশ্রয় লৈছে। হুৰ আশঙ্কা তেওঁলোকৰ পৰাই সংক্রমণ বিয়পি পৰাৰ প্রভূত আশঙ্কা আছে। প্ৰথম কাৰণ, ইউক্রেইনৰ বাসিন্দাসকলৰ টীকাকৰণ হৈছে মাত্র ৩৪ শতাংশ। যিটো অন্যান্য দেশৰ তুলনাত অত্যন্ত কম।
দ্বিতীয়তে, বিগত ৩-৯ মার্চত ইউক্রেইন আৰু সংলগ্ন দেশবোৰত কৰোনা সংক্রমণৰ হাৰ অত্যধিক বৃদ্ধি পাইছে। এই ছয়দিনত ইউক্রেইনসহ চুবুৰীয়া দেশবোৰত ৭ লক্ষ ৯১ হাজাৰ ২১জনৰ মাজত মধ্যে কৰোনা সংক্রমণ ধৰা পৰিছে। মৃত্যু হৈছে ৮ হাজাৰ ১২ জনৰ। হুৰ মতে এই সংখ্যা উদ্বেগজনক।
