ষ্টাফ ৰিপ’ৰ্টাৰঃ
ডিফু : বুধবাৰে দিনযোৰা বৰ্ণাঢ্য কাৰ্যসূচীৰে বকলীয়াঘাট উচ্চতৰ মাধ্যমিক বিদ্যালয়ৰ সভা কক্ষত বকলীয়াঘাট প্ৰেছ ক্লাবৰ দ্বি-বাৰ্ষিক অধিৱেশনখনি সফলতাৰে সম্পন্ন হৈ যায় ৷ অধিৱেশনখনিৰ কাৰ্যক্ৰমণিকা অনুসৰি পুৱা ৯ বজাত বকলীয়াঘাট প্ৰেছ ক্লাবৰ পতাকা উত্তোলন কৰে সভাপতি ৰাধেশ্যাম গুপ্তাই ৷
শ্বহীদ তৰ্পন কৰে বকলীয়াঘাট প্ৰেছ ক্লাবৰ সাধাৰণ সম্পাদক সম্বোদৰ বৰাই, বৃক্ষ ৰোপন কৰে প্ৰতিষ্ঠাপক সম্পাদক ভূৱন চন্দ্ৰ দত্তই ৷ ইয়াৰ পিছত সাধাৰণ সম্পাদক লম্বোদৰ বৰাই আমন্ত্ৰিত অতিথি কাৰবি আংলঙৰ ভিন্ন প্ৰান্তৰ সাংবাদিকসকলক চিনাকি কৰাই দিয়াৰ লগতে একোখনকৈ ফুলাম গামোচাৰে সম্বৰ্ধনা জ্ঞাপন কৰে ৷
ইয়াৰ পিছত বকলীয়াঘাট প্ৰেছ ক্লাবৰ সভাপতি ৰাধেশ্যাম গুপ্তাৰ পৌৰোহিত্যত অনুষ্ঠিত হোৱা মুকলি সভাখনৰ উন্মোচন কৰে বিধায়ক বিদ্যাছিং ইংলেঙে ৷ নিজৰ ভাষণ প্ৰসংগত নিৰ্দিষ্ট বক্তা সঞ্জু বৰাই বৰ্তমান সময়ত সাংবাদিকসকলৰ ব্যক্তিগত আৰু অৰ্থনৈতিক নিৰীপত্তাৰ ওপৰত গভীৰ উদ্বিগ্নতা প্ৰকাশ কৰে৷
অন্যায়ৰ বিৰুদ্ধে মাত মাতিবলৈ গৈ বহু সাংবাদিক নিধন হ’বলগীয়া হৈছে ৷ অৰ্থনৈতিক অভাৱৰ বাবেই মফচলীয়া আৰ গ্ৰাম্য সাংবাদিক আৰু ক্ষুদ্ৰ কাকতগোষ্ঠীও বহু অভাৱৰ-অনাটনৰ সন্মুখীন হ’বলগীয়া হয় ৷
আনহাতে মুখ্য অতিথি হিছাপে পদ্মশ্ৰী ধনেশ্বৰ ইংতিয়ে নিজৰ ভাষণত কয় যে, মানুহ হৃদয়ৰ পৰা সৃষ্টি হয় ৷ হৃদয়ৰ পৰা সৃষ্টি হোৱা কবিতা অমৰ হয় ৷ আনহাতে সাংবাদিকৰ সৈতে হোৱা বাৰ্তালাপত বকলীয়াঘাট প্ৰেছ ক্লাবৰ সাধাৰণ সম্পাদক লম্বোদৰ বৰাই কয় যে, বকলীয়াঘাট প্ৰেছ ক্লাৱৰ দ্বি-বাৰ্ষিক অধিৱেষনৰ পৱিত্ৰক্ষণতেই জিলাখন তিনি সুযোগ্য ব্যক্ত ক্ৰমে, ২০২২ বৰ্ষৰ প্ৰথমবাৰৰ বাবে বলোৰাম হাজৰিকা সোঁৱৰণি বঁটা কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙ, সুভাষ দাস সোঁৱৰণি ইংলেং আতুৰ বঁটা কণ্ঠশিল্পী জয়মতী নাৰ্জাৰী আৰু শংকৰ দত্ত সোঁৱৰণি গ্ৰাম্য সাংবাদিকতা বঁটা প্ৰদান কৰা হয় নাৰায়ণ বৰুৱাক ৷
তেওঁ কয় যে, পাহাৰৰ যিসকল সাংবাদিকে দীৰ্ঘ দিনৰ পৰা বহু কষ্টেৰে সাংবাদিকতা কৰি আহিছে তাৰ স্বীকৃতি হিছাপেই সাংবাদিকতা বঁটা প্ৰদানৰ দৰে ব্যৱস্থা গ্ৰহণ কৰা হৈছে ৷ বঁটা প্ৰদান অনুষ্ঠানত পৰিষদৰ মুখ্য কাৰ্যবাহী সদস্য তুলিৰাম ৰংহাঙ অনুপস্থিত আছিল ৷ মুকলি সভাত বকলীয়াঘাট প্ৰেছ ক্লাৱৰ ২০২২ বৰ্ষৰ ‘বকলীয়াঘাট’ শীৰ্ষক মুখপত্ৰখনিৰ শুভ উন্মোচন কৰা হয় ৷
