ষ্টাফ ৰিপ’ৰ্টাৰ:
ডিফু : খটখটী থানাৰ অন্তর্গত লাহৰীজান দুদু কলনিত আজি সন্ধিয়াৰ ভাগত আৰক্ষীয়ে অভিযান চলাই পিষ্টলসহ তিনি যুৱকক গ্ৰেপ্তাৰ কৰিবলৈ সক্ষম হৈছে ৷
প্রাপ্ত তথ্য অনুসবি, আজি এক গােপন সূত্রে লাভ কৰা নির্দিষ্ট তথ্যৰ ভিত্তিত বােকাজান মহকুমা আৰক্ষী বিষয়া জন দাস আৰু খটখটী থানাৰ ভাৰপ্রাপ্ত বিষয়াৰ নেতৃত্বত তথা দুদ কলনি গাঁওৰক্ষী বাহিনীৰ সহযােগত আৰক্ষীৰ এটা দলে খটখটী থানাৰ অন্তর্গত লাহৰীজান দুদু কলনি এলেকাত অভিযান চলায়।
উক্ত অভিযানত আৰক্ষীৰ দলটোৱে দুই জাঁই সজীৱ গুলী, এটা মেগজিনসহ এটা পইন্ট টু টু পিষ্টল জব্দ কৰিবলৈ সক্ষম হয়। এই সন্দর্ভত আৰক্ষীয়ে তিনিজন যুৱকক কৰায়ত্ব কৰিবলৈ সক্ষম হৈছে।
ধৃত যুৱককেইজন ক্রমে ডিমাপুৰ ছুপাৰ মার্কেটৰ আছকা চেমা (৩৮), গােলাঘাট জিলাৰ উৰিয়ামঘাটৰ লক্ষীনগৰ পার্ট টুব নিবাসী ইবুংগ সিংহা (২৭) আৰু ৰইচা সিংহা (২৯) বুলি চিনাক্ত কৰা হৈছে।
