ষ্টাফ ৰিপ’ৰ্টাৰ:
ডিফু : শনিবাৰে সন্ধিয়াৰ ভাগত কাৰবি আংলং জিলাৰ মাঞ্জাত সংঘটিত হয় এক শোকাৱহ পথ দূৰ্ঘটনা ৷ আৰক্ষীৰ সূত্ৰে জানিব পৰা অনুসৰি মাঞ্জা থানাৰ অন্তৰ্গত ৰংবং পথাৰত সংঘটিত হয় দূৰ্ঘটনাটো ৷
ঘটনাৰ বৱৰণী অনুসৰি শণিবাৰে লংনিট দিশৰ পৰা মাঞ্জা অভিমুখে আহি থকা AS 09 F 7667পঞ্জীয়ন নম্বৰৰ বগা ৰঙৰ স্ক’ৰপিঅ গাড়ী এখনে একে দিশৰ পৰা আহি থকা AS 09 D 8798 পঞ্জীয়ন নম্বৰৰ এজন স্কুটি আৰোহীক খুন্দিয়াই দিয়াৰ ফলত আৰোহীজন গুৰুতৰ ভাবে জখম প্ৰাপ্ত হয় ৷
তৎক্ষণাত আহত চালকজনক চিকিৎসালয়লৈ লৈ যোৱা হয় যদিও আৰোহীজনে শেষ নিশ্বাস ত্যাগ কৰে ৷ নিহত স্কুটী আৰোহীজন ডিফুৰ ইংলং চেৰাপৰ চদৰ ইংলেঙৰ পুত্ৰ পৱন ইংলেং (৪৫) বুলি চিনক্ত কৰা হৈছে ৷ দূৰ্ঘটনা সংঘটিত কৰা স্কৰপিঅ চালকজনক আৰক্ষীয়ে আটক কৰাৰ লগতে এই সন্দৰ্ভত পৰিয়ালৰ লোকৰ এজাহাৰৰ ভিত্তিত এটি গোছৰ ৰুজো কৰি তদন্ত অব্যাহত ৰাখিছে বুলি আৰক্ষীয়ে জানিবলৈ দিছে ৷
