নিউজ ডেস্কঃ
খুব কম মানুহেই আছে যিসকলে তেওঁৰ প্ৰকৃত নাম জানে। বেছিভাগ লোকেই তেওঁক চিনি পায় ‘অক্সিজেন মেন’ নামেৰে। কৰোনা আক্রান্ত ৰোগীসকলৰ ঘৰে ঘৰে গৈ অক্সিজেন সৰবৰাহ কৰি ইতিহাস গঢ়িলে বিহাৰৰ গৌৰৱ ৰায়ে। কৰোনা মহামাৰিত প্রায় ১ হাজাৰ ১০০ ৰোগীক বিনামূল্যে অক্সিজেন দি জীৱন বচাইছে তেওঁ। য’ত কৰোনাৰ দ্বিতীয় ঢৌত অক্সিজেনৰ আকাল পৰিছে, তাত প্রায় ৩৬৫ জনক অক্সিজেন চিলিণ্ডাৰ দি প্রাণ বচাইছে পাটনাৰ এইগৰাকী ব্যক্তিয়ে।
৫২ বছৰীয়া গৌৰৱ ৰায় এটি ব্যক্তিগত কোম্পানীত কর্মৰত। তেওঁ আৰু তেওঁৰ পত্নী অৰুণা ভৰদ্বাজৰ উদ্যোগত নিৰ্মাণ হৈছে এই অক্সিজেন বেঙ্ক। কেনেদৰে এই চিন্তা আহিল তেওঁলোকৰ? চলচলীয়া চকুৰে গৌৰৱ ৰায়ে জনালে, তেওঁ যোৱা বছৰৰ জুলাই মাহত কৰোণা আক্রান্ত হৈছিল। তেতিয়াৰ পৰাই তেওঁ দেখিছিল কৰোনা আক্রান্তসকলৰ কষ্ট। ঘূৰি আহি তেওঁৰ পত্নীৰ সৈতে আলাপ-আলোচনা কৰি কৰোনা আক্ৰান্তসকলৰ বাবে অক্সিজেন নিৰ্মাণ কৰে তেওঁ। লগত আছিল তেওঁৰ আৰু কিছু বন্ধুও।
প্রথমে মাত্র তিনিটা চিলিণ্ডাৰেৰে আৰম্ভ কৰিছিল এই অক্সিজেন বেঙ্ক। এই মুহূর্তত তেওঁলোকৰ ওচৰত আছে ৫৪টা অক্সিজেন চিলিণ্ডাৰ। উক্ত চিলিণ্ডাৰবোৰ পাটনাৰ ‘কুমাৰ এন্টাৰপ্রাইজ’ৰ পৰা তেওঁ ভর্তি কৰি আনে বুলি জনাইছে। পুৱা ৫টাৰ পৰা তেওঁৰ নিজৰ গাড়ীৰে পাটনা, ভগলপুৰ, গোপালগঞ্জ, মতিহাৰি, হাজিপুৰ, নালন্দা বেগুচৰাই, মাধেপুৰাসহ একাধিক জিলাত সৰবৰাহ কৰে।
গৌৰৱ ৰায়ৰ এই কাৰ্যক সকলোৱে সাধুবাদ জনাইছে। এজন ৰোগীৰ পুত্র পবন সিঙে কয়, আমি তেওঁক ত দেৱদূতৰ দৰে চাওঁ। যোৱা বছৰ তেওঁ আমাৰ পিতৃৰ জীৱন বচাইছেছেন।’ গৌৰৱৰ এই কৰ্মত স্বাভাৱিকতে গর্বিত তেওঁৰ পৰিয়াল-পৰিজন আৰু বন্ধু-বান্ধৱসকল।
