নিউজ ডেস্কঃ
এইবাৰ এভাৰেষ্টত কৰোনা ভাইৰাছ। এভাৰেষ্ট অভিযানলৈ যোৱা এক পর্বতাৰোহীৰ শৰীৰত বাহ বান্ধিলে এই মাৰণ ভাইৰাছে। এভাৰেষ্ট অভিযানলৈ যোৱা পর্বতাৰোহীজন প্রথমে অসুস্থ হৈ পৰাত তেওঁক হেলিকপ্টাৰেৰে কাঠমাণ্ডুলৈ লৈ অহা হয়। বুকুত বিষ আৰু শ্বাসকষ্ট লৈ ভর্তি কৰোৱা হয় হস্পিটেলত। কৰোনা পৰীক্ষাত দেখা গ’ল পর্বতাৰোহীজন কোভিড পজিটিভ। প্রথমতে হস্পিটেললৈ নিয়াৰ সময়ত ধাৰণা কৰা হৈছিল যে এভাৰেষ্টত উঠাৰ সময়ত অতিৰিক্ত উচ্চতাত হয়তো শ্বাসকষ্ট হৈছে। বেছ কেম্পত যিসকল পর্বতাৰোহী আছিল তেওঁলোকৰো কোভিড টেষ্ট কৰোৱা হয়। ৰিপোর্টত দেখা যায় তাৰ ভিতৰত বহু কেইজন কৰোনাত আক্রান্ত হৈছে।
অৱশ্যে মুঠ কিমানজন কৰোনা আক্রান্ত হৈছে সেই বিষয়ত বিশদভাবে একো জনোৱা নাই নেপাল চৰকাৰে। কিন্তু এভাৰেষ্ট অভিযানলৈ যোৱা পর্যটকসকলৰ মাজত যিবোৰ উপসর্গ দেখা গৈছে সেইবোৰ পাহাৰত ট্রেক কৰিবলৈ গ’লেও হয়। অতিৰিক্ত উচ্চতাত উঠাৰ সময়ত শ্বাসকষ্ট বহুতৰেই হয়।
ইতিমধ্যে নেপাল চৰকাৰৰ তৰফৰ পৰা ৩৭৭ জনক এভাৰেষ্ট অভিযানৰ বাবে অনুমতি-পত্র দিয়া হৈছে। আনহাতে, যিটো হাৰত কৰোনা সংক্রমণৰ হাৰ সমগ্ৰ বিশ্বত বাঢ়িছে তেনে ক্ষেত্রত পুনৰ এবাৰ কঠোৰ লকডাউন কৰিবলৈ বাধ্য হ’লে নেপালৰ অৰ্থনীতি চাপত পৰিব। পর্যটন ব্যৱসায়ৰ ওপৰত নির্ভৰশীলসকল পুনৰ ক্ষতিৰ সন্মুখীন হ’ব পাৰে।
