নিউজ ডেস্কঃ
কৰোনা চিকিৎসাত ঔষধৰ তালিকাৰ পৰা ৰেমডেচিভিৰক বাতিল কৰিলে বিশ্ব স্বাস্থ্য সংস্থাই। কৰোনা ৰোগীসকলৰ ওপৰত ৰেমডেচিভিৰ প্রয়োগৰ ক্ষেত্ৰত পূৰ্বতেই সতর্ক কৰিছিল হুই। এইবাৰ সেয়া বাতিল কৰি দিয়া হ’ল।
সোমবাৰে দিল্লী এইমছৰ সঞ্চালক ৰণদীপ গুলেৰিয়াই এই বিষয়ত সতর্ক কৰি দিয়ে। তেওঁ কয়, করৰোনা চিকিৎসাত ৰেমডেচিভিৰৰ কোনো ভূমিকাই নাই। এই ঔষধ একমাত্র তেনে ৰোগীকহে দিব পৰা যায়, যিয়ে কৰোনা সংক্রমণ লৈ হস্পিটেলত ভর্তি হৈ আছে, শৰীৰত অক্সিজেন কমি গৈছে, এক্সৰে বা চিটি স্কেনত বুকুত কোনো সংক্রমণ ধৰা পৰিছে। কৰোনাত মৃত্যু কম কৰাৰ ক্ষেত্রত ইয়াৰ তেনে কোনো ভূমিকাও নাই। যিসকল ৰোগীৰ কৰোনাৰ মৃদু উপসর্গ আছে তেওঁলোকক ৰেমডেচিভিৰ দিলে তেনে কোনো কাত নিদিয়ে। তেনেদৰে ইয়াক দিওঁতে পলম কৰিলেও কোনো কাম নহয়। বিশ্ব স্বাস্থ্য সংস্থাৰ তৰফৰ পৰা কোৱা হৈছে, কৰোনাৰ ঔষধৰ তালিকাৰ পৰা বাদ দিয়া হৈছে ৰেমডেচিভিৰক। এতিয়াৰে পৰা এই ঔষধ আৰু কৰোনা চিকিৎসাত ব্যৱহাৰ কৰিব পৰা নাযাব।
প্রসঙ্গত উল্লেখ্য, বর্তমান বিশ্বৰ ৫০ দেশত কৰোনা চিকিৎসাত ব্যৱহাৰ কৰা হয় এন্টি ভাইৰেল ড্রাগ ৰেমডেচিভিৰ। ভাৰতত এই ঔষধ তৈয়াৰৰ বাবে একাধিক কোম্পানীৰ সৈতে চুক্তি কৰিছে ইয়াৰ প্রস্তুতকাৰক কোম্পানীটোৱে। তেওঁলোকে ৰেমডেচিভিৰ উৎপাদনৰ কাম আৰম্ভ কৰি দিছে। তাৰ মাজতেই হুই এনে নির্দেশনা জাৰি কৰে। হুই লগতে কৈছে, হস্পিটেলত যিসকল কৰোনা ৰোগী ভর্তি আছে তেওঁলোকক ৰেমডিচিভিৰ দিয়াৰ কথা কেতিয়াও কোৱা হোৱা নাই। কাৰণ এই ঔষধে মৃত্যু ৰুধিব পাৰে বুলি তেনে কোনো প্রমাণ লাভ কৰা নাই।
