নিউজ ডেক্স:
২০১৯ চনৰ ডিচেম্বৰত প্রথম আক্ৰমণৰ পিছত ক্ৰমান্বয়ে ডাঙৰ হৈ পৰে সেই আক্ৰমণ। গ্রাস কৰিছে সমগ্ৰ বিশ্বকেই। বিশ্বৰ জনতা, মানুহৰ স্বাস্থ্য, অর্থনীতি— সকলোকে গ্ৰাস কৰিছে ক’ৰোনাই। পৰিসংখ্যাই কৈছে, এই পর্যন্ত ৩০ লক্ষ লোকৰ ক’ৰোনাত মৃত্যু হৈছে।
২৮ ছেপ্টেম্বৰ, ২০২০ পর্যন্ত বিশ্বত ক’ৰোনাৰ বলি আছিল ১০ লাখ। পাঁচ মাহৰো কম সময় পিছত, ২১ ফেব্রুৱাৰী, ২০২১ত সেই মৃত্যুৰ সংখ্যা দুগুণ হৈছে। অর্থাৎ ২০ লাখ। আৰু পিছৰ দুমাহৰ ভিতৰত সেই মৃত্যুৰ সংখ্যা বাঢ়ি হৈছে ৩০ লাখ। ইয়াৰ নেপথ্যত অৱদান আছে মূলত চাৰিখন দেশৰ।
মৃত্যুৰ হিচাবত প্রথম তিনিটা স্থানত আছে আমেৰিকা, ব্রাজিল, মেক্সিকো। ভাৰত আছে চতুর্থ স্থানত।এই পর্যন্ত আমেৰিকাত ক’ৰোনাত মৃত্যু হৈছে ৫ লক্ষ ৬৪ হাজাৰ ৮০০ জন। প্রতি ৫৬৭ জনৰ ভিতৰত এজন।
ব্রাজিলত এতিয়ালৈকে ক’ৰোনাত মৃত্যু হৈছে ৩ লক্ষ ৬৮ হাজাৰ ৭৪৯ জন। বৰ্তমান বিশ্বত ক’ৰোনাত প্রতি চাৰিজন মৃত্যুৰ ভিতৰত এজন ব্রাজিলৰ।
দেশখনৰ চৰকাৰী পৰিসংখ্যা মতে, মেক্সিকোত এই পর্যন্ত ক’ৰোনাত মৃত্যু হৈছে ২ লক্ষ ১১ হাজাৰ ৬৯৩ জন। আনহাতে, ভাৰতত এতিয়ালৈকে ক’ৰোনাত ১ লক্ষ ৭৫ হাজাৰ ৬৪৯ জনৰ মৃত্যু হৈছে।
