ASSAM TIMES POST
গুৱাহাটীঃ ৰাজতিলক থিয়েটাৰৰ এখন বিশেষ নাটত নায়িকাৰ চৰিত্ৰ ৰূপায়ণৰে সেইখন নাটকৰে ‘লিপ্সটিক-কাজল আনি দিবি…’ শীৰ্ষক গীতটিত কৰা দূৰ্দান্ত নৃত্যৰে দৰ্শকৰ হৃদয়ত স্থান লাভ কৰা মোহময়ী অভিনেত্ৰী মৈত্ৰেয়ী প্ৰিয়দৰ্শিনীয়ে মঙলবাৰে ভাৰতীয় জনতা পাৰ্টিত যোগদান কৰে।
প্ৰদেশ বিজেপিৰ গুৱাহাটীস্থিত সদৰ কাৰ্যালয়ত সভাপতি ৰঞ্জিত দাসৰ উপস্থিতিত অভিনেত্ৰী মৈত্ৰেয়ীৰ লগতে আন কেইবাজনো অভিনেতা-অভিনেত্ৰীয়ে বিজেপিত আনুষ্ঠানিকভাৱে যোগদান কৰে।
সভাপতি দাসৰ লগতে সাংগঠনিক সম্পাদক ফণীন্দ্ৰ নাথ শৰ্মাই নতুনকৈ বিজেপিত যোগদান কৰা সদস্যসকলক দললৈ স্বাগতম জনায়। উল্লেখ্য মৈত্ৰেয়ী প্ৰিয়দৰ্শিনীৰ স্বামী তথা জনপ্ৰিয় অভিনেতা ৰবি শৰ্মায়ো ইতিমধ্যে বিজেপিত যোগ দিছে।
