ASSAM TIMES POST
কলকাতাঃ এগৰাকী চাহ বিক্ৰেতাৰপৰা বিশ্বৰ বৃহত্তম গণতান্ত্ৰিক দেশ ভাৰতৰ প্ৰধানমন্ত্ৰী হোৱা নৰেন্দ্ৰ মোডীৰ জীৱন পৰিক্ৰমাই ৰাজনীতিৰ ভিতৰে-বাহিৰে সময়ে সময়ে চৰ্চা লাভ কৰি থকাৰ মাজতে শেহতীয়াভাৱে চাহ বিক্ৰেতাৰ ৰূপত দেখা গ’ল পশ্চিমবংগৰ মুখ্যমন্ত্ৰী মমতা বেনাৰ্জীক।
২০২১ চনত ৰাজ্যখনৰ বিধানসভা নিৰ্বাচনৰ প্ৰাকক্ষণত সোমবাৰৰপৰা উপকূলীয় চহৰ দিঘা ভ্ৰমণত ব্যস্ত থকা মমতাই পূব মিদনাপুৰ জিলাৰ এখন চাহৰ দোকানতে এই অৱতাৰ ধাৰণ কৰে। গাঁৱখনৰ মাজেৰে তেওঁৰ কনভয় পাৰ হৈ যাওঁতেই এখন চাহৰ দোকান দেখি সকলোকে ৰ’বলৈ নিৰ্দেশ দিয়ে।
এটা সময়ত বাহনৰপৰা নামি গৈ দোকানখনৰ বিক্ৰেতাজনক ক্ষন্তেক বহিবলৈ দি তেওঁ নিজে চাহ কৰাত লাগি যায়। এটা সময়ত মমতা বেনাৰ্জীয়ে প্ৰস্তুত কৰা চাহৰ জুতি লয় সেই সময়ত দোকানখনত উপস্থিত থকা লোকসকলে তথা তৃণমূল কংগ্ৰেছৰ কেইবাজনো জ্যেষ্ঠ নেতাই।
