স্বাস্থ্য প্ৰতিবেদন:
নখত বিভিন্নধৰণৰ সংক্ৰমণ অৰ্থাৎ সাধাৰণ অৰ্থত নখচুকীয়া হয়ে। অৱশ্যে এই সমস্যা বয়স্ক আৰু কিশোৰসকলৰ ক্ষেত্রত বেছি। আনহাতে, যিসকলৰ ডায়েবেটিছ থাকে, যিসকলৰ ভৰিত ঘাম বেছি হয় তেওঁলোকৰ নখচুকীয়াৰ সমস্যা বহু বেছি হয়।
ভুলভাবে নখ কাটিলে সমস্যা হ’ব পাৰে। বেঁকাকৈ নখ কাটিলে নখৰ বৃদ্ধি অন্যদিশে হয়। তাৰ পৰাও নখচুকীয়াৰ সমস্যা হয়। সেয়ে নখ সমানভাবে কাটক।
খুব বেছি টাইট জোতা, মোজা বা ষ্টকিংছ পিন্ধিলেও নখৰ বৃদ্ধিতে সমস্যা হয়। তাৰ পৰাও নখত সংক্ৰমণ হয়, নখ পচি যোৱাৰ দৰে সমস্যাও হয়।
ভৰিৰ নখত কোনো আঘাত বা বিষ পালেও নখচুকীয়া হ’ব পাৰে। যদি অসাৱধানতাবশত কেনেবাকৈ ভৰিত আঘাত পায়, ভৰিৰ ওপৰত যদি গধুৰ কিবা বস্তু পৰে যায়, তেনেহ’লেও নখচুকীয়া হোৱাৰ আশঙ্কা আছে।
যিসকলে ফুটবল খেলে তেওঁলোকৰ নখচুকীয়া হোৱাৰ সুবিধা খুব বেছি। যিসকল বেলে নৃত্যশিল্পী, কিকবক্সিং কৰে বা ফুটবলাৰ হয় তেওঁলোক এই সমস্যাত বেছি ভোগে। তাৰ লগতে ভৰিত বিভিন্ন ধৰণৰ ফাঙ্গাছ ইনফেকচনো হয়।
নখত সংক্ৰমণ যিকোনো সময়তে হ’ব পাৰে। জানি লওক কেনে ধৰণৰ সাৱধানতা ল’ব-
নখ শুষ্ক আৰু পৰিষ্কাৰ কৰি ৰাখক:
নিজকে পৰিষ্কাৰ কৰি ৰখাটো অত্যন্ত জকুকী। নিজৰ নখ পৰিষ্কাৰ থাকিলে কোনো ৰোগৰ বীজাণুৱে বাহ লোৱাৰ সুযোগ নাপায়। প্রতিদিনে কুহুমীয়া গৰম নেমুৰ ৰস আৰু চাবোন মিহলোৱা পানীৰে দুবেলা হাত আৰু ভৰিৰ নখ পৰিষ্কাৰ কৰক। কিছু সময় চাবোন পানীত হাত আৰু ভৰিৰ নখ ডুবাই ৰখাৰ পিছত নৰম ব্রাছেৰে ঘঁহি থাকক। তাৰ ফলত নখৰ ময়লা দূৰ হ’ব। হাত আৰু ভৰিৰ নখ নিয়মিত এনেদৰে পৰিষ্কাৰ কৰিলে কোনো ধৰণৰ সংক্ৰমণ নহয়।
সময়মতে নখ কাটিব:
নখত যাতে কোনো সংক্ৰমণ নহয় তাৰ বাবে নখ কটাও জৰুৰী। বহুতেই হাতৰ নখ দীঘলকৈ ৰাখে। তেনে ক্ষেত্রত নখ বহু বেছি পৰিষ্কাৰ কৰি ৰখা প্ৰয়োজন। নহ’লে সমস্যাত পৰিব পাৰে। ভৰিৰ নখ অৱশ্যেই কটা উচিত। তাকো নিয়মমতে।
ভৰিৰ নখেই বেছিভাগ ক্ষেত্রত সংক্ৰমণৰ কাৰণ নহয় কিন্তু। আচলতে ভৰিৰ নখ দীঘলকৈ ৰাখিলে ভাঙি যোৱাৰ সম্ভাৱনাও প্রবল। সেয়ে ভৰিৰ নখ নৰখাই ভাল। কিন্তু ব্লেডেৰে নখ নাকাটিব। সকলো সময়তে নেইল কাটাৰ ব্যৱহাৰ কৰক।
সঠিক জোতা পিন্ধক:
ভৰিৰ নখৰ যত্ন লোৱাটো খুব প্ৰয়োজন। তাৰবাবে সঠিক জোখৰ জোতা পিন্ধাটো খুব জৰুৰী। অনলাইনত জোতা কিনিলে চার্ট চাই সঠিক জোখৰ জোতা কিনক। সঠিক জোখৰ জোতা পিন্ধিলে নখত চাপ নপৰে। তাৰ উপৰি এনে জোতা কিনা প্ৰয়োজন যাৰ যোগেদি বায়ু চলাচল কৰিব পাৰিব। তেতিয়াহ’লে সংক্ৰমণ হোৱাৰ সম্ভাৱনা বহুখিনি কমিব।
সতর্ক থকাটো জৰুৰী:
বহুতেই সঠিকভাবে নখ কাটিব নোৱাৰে। নখ কাটোতে সেয়ে কটাৰ সম্ভাৱনা থাকে বহু সময়ত। ফলত ক্ষতস্থানত বীজাণুৱে অতি সহজে বাহ লয়। সেয়ে নখ কটাৰ সময়ত খুব সতর্ক থকা দৰকাৰ। অতি চুটিকৈ নখ কটাৰ কোনো প্ৰয়োজন নাই। অলপ দীঘলকৈ নখ ৰাখক।
