স্বাস্থ্য প্ৰতিবেদন:
শীতকালত যেনে খোৱা-লোৱা বেছি হয়, তেনেদৰে গেছ-এচিডিটিও বেছি হয়। আনকি গৰম পোছাক বেছিসময় পিন্ধি থকাত পেট গৰমৰ দৰে সমস্যা হয়। আৰু হয় কোষ্ঠকাঠিন্যৰ সমস্যা। যিসকলৰ গোটেই বছৰ সমস্যা নহয়, তেওঁলোকো কিন্তু এই শীতত এবাৰ হ’লেও কোষ্ঠকাঠিন্যৰ সমস্যাত ভুগিবলগা হয়।
ইয়াৰ উপৰি যিসকলৰ কোষ্ঠকাঠিন্য হয় তেওঁলোকেহে বুজি পায় কেনে কষ্ট। কোষ্ঠকাঠিন্য হ’লে পেট পৰিষ্কাৰ নহয়। ফলত গেছ অনবৰতে থাকে। লগতে খোৱাৰ কোনো ৰুচি নাথাকে। আৰু কোষ্ঠকাঠিন্য হ’লে পেট, কঁকালৰ বিষ থাকে।
বিষ হয় মলদ্বাৰতো। দীর্ঘদিন কোষ্ঠকাঠিন্যত ভুগিলে তাৰ পৰা কোলন কেন্সাৰো হ’ব পাৰে। সেয়ে এই শীতত খোৱা-লোৱাক লৈ সকলোৱেই সচেতন হৈ থাকিব লাগিব৷ যিসকলে নিয়মিত ঔষধ খায় তেওঁলোকৰ শীতত এই সমস্যা অলপ বেছিয়েই হয়। শীতকালত পানী প্রয়োজনৰ তুলনাত কম খোৱা হয়। তাৰ পৰাও সমস্যা হ’ব পাৰে।
ত্রিফলা
ত্রিফলাৰ পানী অতি উত্তম। খাবলৈ অলপ কেঁহা যদিও গুণত উত্তম। উপকাৰ পাব।
প্রচুৰ পৰেমাণে পানী খাওক
প্রচুৰ পৰিমাণে পানী খাব লাগে। কিন্তু বেছি গৰম পানী নাখাব। দিনটোৰ আৰম্ভণি কুহুমীয়া পানীত নেমু মিহলাই খাই কৰক৷ উপকাৰ পাব। লগতে নিয়মিত খোজকাঢ়ক। চুপ বেছিকৈ খাওক। কোষ্ঠকাঠিন্যৰ সমস্যাত খুব ভাল কাম দিয়ে বিনা চেনিৰ ক’লা কফিয়ে।
ইলাচি
এটা ডাঙৰ ইলাচি এক কাপ গৰম গাখীৰত গোটেই ৰাতি ভিজাই ৰাখক। পুৱা টোপনিৰ পৰা উঠ এই ইলাচিটো থেতেলিয়াই গাখীৰৰ সৈতে খাওক। মাৰাত্মক ধৰণৰ কোষ্ঠকাঠিন্যৰ সমস্যাত পুৱা আৰু নিশা এনেদৰে ইলাচি-গাখীৰ খাব পাৰিলে দ্রুততাৰে উপকাৰ পাব। বাঁওফালে কাটি হৈ শুলেও কোষ্ঠকাঠিন্যৰ সমস্যা কমে।
ফাইবাৰ খাওক
প্রতিদিনে পকা অমিতা, আপেল খাওক। ইয়াৰ উপৰি প্রচুৰ পৰিমাণে শাক-পাচলি খাওক। দাইল খাওক। অমিতা দিয়া দাইল খাব পাৰিলে খুব ভাল। তেল-মচলা দিয়া খাদ্য এৰাই চলক। চুপ, জুইচ বেছিকৈ খাওক। চালাড খাওক। ইয়াৰ উপৰি গোবিন্দভোগ চাউলৰ ভাত বেছি নাখাব। বৰং ৰুটি খাওক। সকলো পাচলি একেলগে মিহলাই ৰান্ধক। চিৰা, মুড়ি আদি বেছিকৈ খাওক।
ভাল টোপনিৰ দৰকাৰ
পেট পৰিষ্কাৰৰ বাবে খুব ভাল টোপনিৰ দৰকাৰ। টোপনি ভাল হ’লেই বহু সমস্যাৰ সমাধান হয়। খোজকাঢ়ক বা দৌৰক। খাই উঠিয়েই টোপনি নাযাব। নিশা খাদ্য খোৱাৰ পিছত অন্তত দুঘন্টা পিছত শোৱক।
