নিউজ ডেক্স:
কথাষাৰ শুনিবলৈ আচৰিত যদিও সত্য৷ ইটালীত ১ ইউৰো অৰ্থাৎ মাত্ৰ ৮৬ টকাত পোৱা যায় এটা ঘৰ৷ এই অফাৰ দিছে ইটালীৰ ছিচিলিৰ দক্ষিণ–পশ্চিমে অৱস্থিত ছালেমি নগৰত৷ মন কৰিব লগা যে বিগত কিছু বছৰ ধৰি ইটালীৰ সৰু সৰু নগৰবোৰত জনসংখ্যা কমিছে৷
এইবোৰ নগৰ ত্যাগ কৰি ডাঙৰ নগৰলৈ গৈছে সাধাৰণ মানুহ৷ সেয়ে সৰু নগৰবোৰত পৰিত্যক্ত অৱস্থাত আছে ঘৰ-বাৰী৷ তাৰ লগতে সৰু সুৰু নগৰবোৰত জনঘনত্ব কমি গৈছে৷ এনে সমস্যা সমাধান কৰিবলৈ এনে কম দামতে পৰিত্যক্ত ঘৰ-বাৰী বিক্ৰী কৰিবলৈ প্ৰশাসনে সিদ্ধান্ত লোৱা হৈছে৷
উল্লেখ্য যে আঙুৰৰ বাৰীয়ে বেৰি থকা ইতিহাস পুৰণি নগৰ ছিচিলিৰ ঐতিহাসিক ঠাইবোৰৰ মাজত আছে ছালেমি৷ শতাব্দী প্ৰাচীন বহু নিদৰ্শন আজিও থকা নগৰখনত একালত বহু মানুহ আছিল৷ কিন্তু নগৰখনত ১৯৬৮ চনৰ পৰা চিত্ৰ সলনি হ’বলৈ ধৰে৷
এক ভয়াৱহ ভূমিকম্পত নগৰখনৰ বহু ক্ষতি হয়৷ ইয়াৰ পাছতে কামৰ সন্ধানত মানুহে নগৰখন এৰি দিয়ে৷ ফলত পৰিত্যক্ত হৈ থাকে ঘৰ-বাৰী৷ অৱশেষত নিৰুপায় হৈ প্ৰশাসনে পৰিত্যক্ত ঘৰ-বাৰীবোৰ বিক্ৰী কৰাৰ সিদ্ধান্ত লয়৷ তাতে ন্যূনতম দামত৷ তথাপি কোনেও আগ্ৰহ প্ৰকাশ কৰা নাই৷
