নিউজ ডেক্স:
গাঞ্জাসহ গ্ৰেপ্তাৰ হ’ল জনপ্ৰিয় টিভি অভিনেত্ৰী প্ৰীতিকা চৌহান। প্ৰীতিকা চৌহানৰ সৈতে তেওঁৰ সতীৰ্থ আন এগৰাকীকো এন চি বিয়ে গ্ৰেপ্তাৰ কৰি প্ৰেৰণ কৰে ন্যায়িক জিম্মালৈ। ১০০ গ্ৰাম গাঞ্জাৰ সৈতে গ্ৰেপ্তাৰ কৰা হয় অভিনেত্ৰী গৰাকীক আৰু অহা ৮ নৱেম্বৰ তাৰিখে তেওঁক প্ৰেৰণ কৰা হ’ব জেললৈ।
কেইবাখনো হিন্দী ধাৰাবাহিক ক্ৰমে সাৱধান ইণ্ডিয়া, চি আই ডি, সংকটমোচন হনুমানৰ সমান্তৰালকৈ মা বৈষ্ণোদেৱী ধাৰাবাহিকখনৰ ভূমিকা দেৱীৰ চৰিত্ৰও ৰূপায়ন কৰিছিল প্ৰীতিকা চৌহানে।
ঘটনা সন্দৰ্ভত সংবাদ প্ৰতিষ্ঠান এ এন আই–এ কয়, ‘‘মুম্বাই জ’নেল ইউনিটৰ এটা দলে ৯৯ গ্ৰাম গাঞ্জাসহ দুগৰাকী ব্যক্তিক আটক কৰিছে। আটক হোৱা দুগৰাকী হৈছে ক্ৰমে ফেইজল আৰু টিভি অভিনেত্ৰী প্ৰীতিকা চৌহান।
দুয়োকে গ্ৰেপ্তাৰৰ পিছত আদালতত হাজিৰ কৰোৱা হয়। – এনচিবি।’’ উল্লেখ্য যে, সুশান্ত সিং ৰাজপুতৰ মৃত্যুৰ পিছৰে পৰা মুম্বাই আৰু পাৰ্শ্বৱৰ্তী স্থানসমূহত ড্ৰাগছৰ বিৰুদ্ধে কঠোৰ পদক্ষেপ গ্ৰহণ কৰিছে নাৰ্ক’টিক কন্ট্ৰ’ল ব্যূৰ’ৱে অৰ্থাৎ এন চি বিয়ে। বলীউড অভিনেত্ৰী দীপিকা পাডুকন, ছাৰা আলী খান, ৰাকুল প্ৰীত সিং আৰু শ্ৰদ্ধা কাপুৰকো সোধা–পোছা কৰিছিল এনচিবিয়ে।
