নিউজ ডেক্স:
গোলকীয় উষ্ণতা প্রতিৰোধত ভাৰতৰ দায়বদ্ধতাৰ ওপৰত এইবাৰ প্ৰশ্ন তুলিলে মাৰ্কিন ৰাষ্ট্ৰপতি ডোনাল্ড ট্ৰাম্পে। তেওঁ কয়, ‘‘ভাৰতৰ বতাহেই লেতেৰা।’’
ডেমোক্ৰেট প্রার্থী জো বাইডেনৰ সৈতে ৰাষ্ট্ৰপতি নিৰ্বাচনৰ বিতর্কত ভাগ লৈ জলবায়ু পৰিৱর্তনৰ পেৰিচ চুক্তি অৱমাননা প্রসঙ্গত চীন, ৰাছিয়া আৰু ভাৰতৰ সমালোচনা কৰে ট্রাম্পে।
ট্ৰাম্পে কয়, ‘‘চীনৰ অৱস্থা চাওক। কেনেকুৱা অস্বচ্ছ এখন দেশ। ৰাছিয়া বা ভাৰতক চাওক। কিমান লেতেৰা, প্ৰদূষিত বতাহ।’’
কেৱল সিমানতেই ক্ষান্ত নহয় ট্ৰাম্প৷ অতিৰিক্ত আমদানি শুল্কৰে আন্তর্জাতিক মুক্ত বাণিজ্যৰ বিপৰীত কৰা বুলিও মোডী চৰকাৰৰ বিৰুদ্ধে আচৰণ কৰে।
ট্রাম্পৰ দাবী, পেৰিচ চুক্তি ৰক্ষা কৰিবলৈ গৈ লাখ লাখ চাকৰি, হাজাৰ হাজাৰ কোম্পানী বাদ দিব নোৱাৰি৷ তেওঁ লগতে অভিযোগ কৰে যে ভাৰত আৰু চীনৰ উদ্যোগবোৰে প্ৰদূষণ বিয়পালেও তাক বন্ধ কৰিবলৈ আন্তর্জাতিক মহলত কোনো তৎপৰতা নাই। কিন্তু পৰিৱেশ ৰক্ষাৰ কথা কৈ আমেৰিকাৰ ওপৰত চাপ সৃষ্টি কৰাৰ চেষ্টা চলে।
ট্রাম্পৰ এই মন্তব্যক কেন্দ্ৰ কৰি আজি দেশৰ ৰাজনৈতিক পৰিৱেশ উত্তাল হৈ পৰিছে৷ বিৰোধী দলবোৰে লক্ষ্য কৰি লৈছে নৰেন্দ্ৰ মোদীক। ট্ৰাম্পৰ এই অভিযোগৰ যোগ্য প্ৰত্যুত্তৰ দিবলৈ মোদীক আহ্বান জনাইছে ৰাজনৈতিক বিশ্লেষকসকলে৷ আনহাতে, ট্ৰাম্প-মোদীৰ বন্ধুত্বৰ ওপৰত কটাক্ষ কৰিছে কংগ্ৰেছে৷
