নিউজ ডেক্স:
তিনি দিন ধৰি চলি থকা প্ৰবল বৃষ্টিপাতৰ ফলত বিপর্যস্ত হায়দৰাবাদৰ জনজীৱন। যোৱা দুদিনত চহৰখনৰ ৰাস্তা-ঘাটৰ পৰিস্থিতিৰ ছবি-ভিডিও পোহৰলৈ আহিছে ছচিয়েল মিডিয়াৰ বিভিন্ন প্লেটফর্মত। তাত দেখা গৈছে, চহৰৰ বিভিন্ন প্রান্তত কেনেদৰে খেলনাৰ দৰে ভাহি গৈছে গাড়ী।
পানীৰ সোঁতত এজন ব্যক্তি উটি যোৱাৰ ভিডিঅও বিয়পি পৰিছে নেট জগতত।
ব্যক্তিজন উটি যোৱাৰ দৃশ্যটি ফলকনুমাৰ ওচৰৰ বৰকছৰৰ। ভিডিওত দেখা গৈছে, ৰাস্তাত জমা হোৱা পানীত উটি গৈছে এজন ব্যক্তি।
তেওঁ নিজক বচাবলৈ চেষ্টা কৰে যদিও সফল নহয়। সেই সময়ত ৰাস্তাৰ কাষত থকা কেইবাজনো ব্যক্তিয়ে তেওঁক বচাবৰ বাবে চিঞৰ-বাখৰ কৰিছে। কিন্তু পানীৰ সোঁতত নামিবলৈ সাহস কৰা নাই কোনোৱে।
অৱশ্যে ব্যক্তিজনক উদ্ধাৰ কৰিব পৰা গ’লনে নাই সেইটো জানিব পৰা হোৱা নাই৷ৰাস্তাৰ কাষত ৰখি থকা গাড়ী খেলনাৰ দৰে ভাহি যোৱাৰ ভিডিও ভর্তি ছচিয়েল মিডিয়াত।
