নিউজ ডেক্স:
ক’ৰোনা ভাইৰাছৰ বিৰুদ্ধে সমগ্ৰ বিশ্বতে যুঁজ অব্যাহত আছে৷ এই ভাইৰাছক প্ৰতিহত কৰিবলৈ সমগ্ৰ বিশ্বত বিজ্ঞানীসকলে পৰীক্ষা অব্যাহত ৰাখিছে৷ এনে সময়তে বিশ্ব স্বাস্থ্য সংস্থাৰ মত প্ৰকাশ কৰিছে যে ২০২১ চনৰ মাজভাগৰ পূৰ্বে বিশ্বত ক’ৰোনা ভেকছিন বিতৰণ কার্যত সম্ভব নহয়।
বিশ্ব স্বাস্থ্য সংস্থাৰ মুখ্য বৈজ্ঞানিক সৌম্য স্বামীনাথনে এই কথা প্ৰকাশ কৰিছে৷ মন কৰিব লগা যে বহু ভেকছিনৰ তৃতীয় পৰ্যায়ৰ পৰীক্ষা এই বছৰৰ শেষলৈহে হ’বগৈ৷ তাৰ প্ৰতি লক্ষ্য কৰিয়েই এই সময়সীমা ৰখা হৈছে বুলি জনাইছে বুলি বিশ্ব স্বাস্থ্য সংস্থাৰ মুখ্য বৈজ্ঞানিক সৌম্য স্বামীনাথনে কয়৷ এইখিনিতে সততে উদয় হোৱা প্ৰশ্নটো হ’ল—-
বিশ্বত ক’ৰোনাৰ ভেকছিন কেতিয়া উপলব্ধ হ’ব?
বিশ্ব স্বাস্থ্য সংস্থাৰ মুখ্য বৈজ্ঞানিক সৌম্য স্বামীনাথনে কয় যে ২০২১ চনৰ মাজভাগত নাইবা ২০২১ চনৰ দ্বিতীয় ভাগত অথবা দ্বিতীয় বা তৃতীয় ত্রৈমাসিকত বিশ্বজুৰি ক’ৰোনাৰ ভেকছিন উপলব্ধ হোৱাৰ সম্ভাৱনা আছে৷ সেই সময়ত দেশবোৰে নিজৰ জনসাধাৰণক টীকা প্ৰদান কৰিব পাৰিব বুলি তেওঁ জনাইছে৷ বহু ভেকছিন তৃতীয় পৰ্যায়ৰ পৰীক্ষা এই বছৰ শেষত হ’বগৈ৷
তেওঁ লগতে জানিবলৈ দিয়ে যে কোনো কোনো ভেকছিনৰ তৃতীয় পৰ্যায়ৰ পৰীক্ষা আৰম্ভ হ’লেও বহু ভেকছিনৰ পৰীক্ষা এই বছৰৰ অন্তিম ভাগত শেষ হ’ব৷ যিসমূহৰ পৰীক্ষা হৈছে তাৰ ৰিপৰ্ট পাব বছৰৰ শেষত৷ ইয়াৰ লগতে তেওঁ কৈছে যে তৃতীয় পৰ্যায়ৰ পৰীক্ষা চলা ভেকছিনবোৰৰ ৰিপৰ্ট এই বছৰৰ শেষৰ ভাগত বা আগন্তুক বৰ্ষৰ প্ৰথম ভাগলৈ পাব৷
তাৰ পিছতে সেই ভেকছিনবোৰৰ ডজ তৈয়াৰ হ’ব৷ ইয়াৰ পূৰ্বে তেওঁ কৈছিল যে ভাৰতে ক’ৰোনাৰ টিকা পাবলৈ এবছৰ সময় আছে৷ সৌম্য স্বামীনাথনে কৈছিল ভাৰতে ক’ৰোনাৰ টীকা পাবলৈ এবছৰ অপেক্ষা কৰিব পাৰে৷ কিয়নো ভাৰতে ক’ৰোনাৰ প্রতিষেধক প্ৰস্তুতৰ যি ঢাপত আছে সেই প্রতিষেধক বৃহত্তৰ জনসংখ্যাৰ ওপৰত প্রয়োগৰ ক্ষেত্রত চূড়ান্ত হ’বলৈ অন্তত এবছৰ সময় লাগিব।
