নিউজ ডেস্কঃ
দুখীয়া আৰু অসহায় বৃদ্ধাৰ ছোৱালীয়ে বিয়াৰ প্ৰস্তাৱ প্ৰত্যাখ্যান কৰাৰ বাবে কক্সবাজাৰ জিলাৰ চকৰিয়াৰ হাৰবাং ইউনিয়ন পৰিষদৰ চেয়াৰমেন মিৰানুল ইছলামে মাক-জীয়েকক ইউনিয়ন পৰিষদৰ কার্যালয়লৈ কৌশলেৰে মাতি আনি গৰু চোৰ সজাই নির্মম নির্যাতন আৰু পশুৰ দৰে মাৰ-পিট কৰে।
কেৱল সিমানেই নহয়, ইউনিয়ন পৰিষদৰ কার্যালয়ত মাৰ-ধৰ কৰাৰ পিছত এলেকাটোৰ বিভিন্ন ৰাস্তাৰে কঁকালত ৰছী বান্ধি ঘূৰাই লৈ ফুৰায় মাক-জীয়েকক৷ এই নাৰকীয় ঘটনা সংঘটিত কৰা পশুৰূপী মিৰানুলৰ ওপৰত উচিত তদন্ত কৰি দৃষ্টান্তমূলক শাস্তিৰ দাবী উঠিছে।
লগতে প্ৰশ্ন উত্থাপিত হৈছে, অপৰাধ কৰক বাবে নকৰক, এনেদৰে কাৰোবাক ৰাজহুৱাভাৱে অপমান কৰাৰ কাৰোবাৰ অধিকাৰ আছেনে? আইন হাতত তুলি লোৱাৰ অধিকাৰ আছেনে? সমাজ ব্যৱস্থাত কোনোৱে দোষ কৰিলে তাৰ বিচাৰৰ বাবে আইন-আদালত আছে, শাস্তি প্ৰদানৰো একমাত্ৰ অধিকাৰ আদালতৰ৷
কিন্তু তাকে নকৰি আক্ৰোশমূলকভাৱে নৰাধমটোৱে কৰা এনেধৰণৰ পশুসুলভ আচৰণৰ বাবে সচেতন মহলৰ মাজত প্ৰতিক্ৰিয়াৰ সৃষ্টি হৈছে৷ উক্ত ঘটনাৰ উচিত তদন্তৰ দাবীত অঞ্চলটোৰ সাংসদ আলহাজ জাফৰ আলম তথা স্থানীয় প্ৰশানৰ দৃষ্টি আকর্ষণ কৰিছে স্থানীয় ৰাইজে।
