ফুকেট-দিল্লী বিমান দুৰ্ঘটনাৰ পিছত এয়াৰ ইণ্ডিয়াই সকলো পাইলটকে (Air India’s pilot) ড্ৰাগছ টেষ্ট (Drug test) কৰিবলৈ নিৰ্দেশ দিছিল। সেই অনুসৰি আৰু দুজন পাইলটে (Two pilots) প্ৰাৰম্ভিক পৰীক্ষাৰ প্ৰতিবেদনত উত্তীৰ্ণ (Failed the preliminary exam) হ’ব নোৱৰাৰ খবৰ পোৱা গৈছে। অৱশ্যে চূড়ান্ত প্ৰতিবেদন এতিয়াও পোৱা নাই। সেয়া চোৱাৰ পিছতহে কোম্পানীটোৱে পৰৱৰ্তী পদক্ষেপ ল’ব।
থাইলেণ্ডৰ ফুকেটৰ পৰা দিল্লী অভিমুখী এখন যাত্ৰীবাহী বিমান মাজআকাশৰ পৰা হঠাৎ ৩০০ ফুট তললৈ নামি যায়। বিমানখনৰ তীব্ৰ কম্পনৰ ফলত বহু লোক আহত হয়। অভিযোগ অনুসৰি, বিমানখনৰ পাইলট তেওঁৰ আসনত নাছিল। লগতে জানিব পৰা গৈছে যে তেওঁ গাঞ্জা সেৱন কৰি বিমান উৰুৱাইছিল। ড্ৰাগছ টেষ্টত তেওঁৰ শৰীৰত গাঞ্জা থকাৰ প্ৰমাণ পোৱা গৈছে। ইয়াৰ পিছত কোম্পানীটোৱে ব্যৱস্থা গ্ৰহণ কৰে।
সূত্ৰ অনুসৰি, এয়াৰ ইণ্ডিয়াই ফুকেট-দিল্লী বিমান কাণ্ডৰ পিছত নতুন এছ অ’ পি প্ৰস্তুত কৰিছে। ইয়াত সকলো পাইলটৰ ড্ৰাগছ টেষ্ট কৰাটো বাধ্যতামূলক। এতিয়ালৈকে কোম্পানীটোৰ ৩০০ৰো অধিক পাইলটে এই পৰীক্ষা সম্পন্ন কৰিছে। তাৰে দুজনে প্ৰাৰম্ভিক পৰ্যায় উত্তীৰ্ণ কৰিব নোৱাৰিলে।
অৱশ্যে এতিয়ালৈকে কোম্পানীটোৱে আনুষ্ঠানিকভাৱে একো ঘোষণা কৰা নাই। সাধাৰণতে এনে পৰীক্ষাৰ চূড়ান্ত প্ৰতিবেদন পাবলৈ ২৪ৰ পৰা ৪৮ ঘণ্টা সময় লাগে। সূত্ৰ অনুসৰি, পৰীক্ষাৰ প্ৰাৰম্ভিক পৰ্যায়ত ব্যৰ্থ হোৱা পাইলট দুজনক বিমানৰ সময়সূচীৰ (ৰোষ্টাৰ) পৰা আঁতৰাই দিয়া হৈছে। বৰ্তমান তেওঁলোকে কোনো নতুন দায়িত্ব পোৱা নাই। চূড়ান্ত প্ৰতিবেদন চোৱাৰ পিছতে কৰ্তৃপক্ষই ব্যৱস্থা গ্ৰহণ কৰিব।
