মহাৰাষ্ট্ৰৰ কংগ্ৰেছ নেতা (Congress leader from Maharashtra) পৱনৰাজ নিম্বালকাৰ (Pawanraj Nimbalkar)ৰ হত্যাকাণ্ডৰ আটাইকেইজন অভিযুক্তক (the person accused of murder) আদালতে দোষমুক্ত (Acquitted in court) কৰিছে। ২০ বছৰ পূৰ্বে ২০০৬ চনত নিম্বলকাৰক হত্যা কৰা হৈছিল। তেওঁ আৰু তেওঁৰ গড়ীচালকক পথত গাড়ী ৰখাই গুলীয়াই হত্যা কৰিছিল। ২০১১ চনৰ পৰা চিবিআইৰ বিশেষ আদালতত বিচাৰাধীন হৈ থকা এই গোচৰৰ অন্যতম মূল অভিযুক্ত আছিল মহাৰাষ্ট্ৰৰ প্ৰাক্তন গৃহমন্ত্ৰী পদ্মসিং পাটিল। অৱশেষত এই গোচৰত তেওঁক দোষমুক্ত কৰা হয়।
২০০৬ চনৰ ৩ জুনত নিম্বালকাৰে মুম্বাইৰ পৰা ওছমানবাদলৈ (বৰ্তমান ধৰাশিৱ) গৈ আছিল। তেওঁৰ লগত আছিল চালক চামাদ কাজী। অভিযোগ অনুসৰি, তেওঁলোকৰ গাড়ীখন মাজবাটতে ৰখাই দি দুই দুৰ্বৃত্তই তেওঁলোকৰ ওপৰত গুলীচালনা কৰি পলায়ন কৰে। নিম্বালকাৰৰ থিতাতে মৃত্যু হয়। প্ৰথম অৱস্থাত নবী মুম্বাই আৰক্ষীয়ে হত্যাকাণ্ডৰ তদন্ত আৰম্ভ কৰিছিল। পিছত বোম্বাই উচ্চ ন্যায়ালয়ে তদন্ত চিবিআইক অৰ্পণ কৰে। আৰক্ষীৰ তদন্তত মৃতকৰ পত্নীয়ে অবিশ্বাস প্ৰকাশ কৰাত চিবিআইক অৰ্পণ কৰা হয়।
২০০৯ চনত এই ঘটনাৰ মূল অভিযুক্ত হিচাপে নিম্বালকাৰৰ খুড়াকৰ পুত্ৰ পদ্মসিঙক গ্ৰেপ্তাৰ কৰা হৈছিল। সেই বছৰৰ ছেপ্টেম্বৰ মাহত তেওঁক জামিন দিয়া হৈছিল। ৰাজনৈতিক আৰু ব্যৱসায়িক শত্ৰুতাৰ বাবেই নিম্বালকাৰ হত্যাকাণ্ডৰ মূল অভিযুক্ত পদ্মসিং আছিল বুলি চিবিআয়ে অভিযোগ উত্থাপন কৰে। ইয়াৰ উপৰি লাটুৰৰ ব্যৱসায়ী সতীশ মাণ্ডাদে আৰু অৱসৰপ্ৰাপ্ত ৰাজ্যিক আবকাৰী পৰিদৰ্শক মোহন শুক্লাকো এই গোচৰত অভিযুক্ত কৰা হয়। লগতে ধৰা পৰে দুজন আক্ৰমণকাৰী। অভিযোগ অনুসৰি, পদ্মসিঙক হত্যা কৰিবলৈ ৩০ লাখ টকাৰ চুক্তি কৰা হৈছিল। পৰশমল জৈন নামৰ আন এজন অভিযুক্ত ৰাজসাক্ষী হয়। আদালতে তেওঁৰ বক্তব্যও গুৰুত্বপূৰ্ণ বুলি বিবেচনা কৰে।
১৫ বছৰীয়া বিচাৰ প্ৰক্ৰিয়াত ১২৮ গৰাকী সাক্ষীৰ সাক্ষ্যৰ শুনানি আদালতে গ্ৰহণ কৰে। আন্না হাজাৰেও সাক্ষ্য দিয়ে। অভিযোগ অনুসৰি, নিম্বালকাৰৰ লগতে তেওঁকো হত্যা কৰাৰ বাবে চুপাৰি দিয়া হৈছিল।
শনিবাৰে চিবিআইৰ বিশেষ আদালতে এই হত্যাকাণ্ডৰ ষড়যন্ত্ৰ প্ৰমাণ কৰিব পৰা নগ’ল বুলি প্ৰকাশ কৰে। অভিযুক্তৰ সপক্ষে পৰ্যাপ্ত প্ৰমাণ পোৱা নগ’ল। সাক্ষীজনৰ বক্তব্যতো অসামঞ্জস্যতা পোৱা গৈছিল। যাৰ বাবে সকলোকে দোষমুক্ত কৰা হৈছে।
