ইজৰাইল আৰু ইৰাণৰ সংঘাত (Conflict between Israel and Iran) পুনৰ আৰম্ভ (Restart) হোৱাৰ লগে লগে ভাৰত চৰকাৰে জৰুৰী বিবৃতি (Emergency statement of the Government of India) প্ৰকাশ কৰিছে। ইৰাণত থকা সকলো ভাৰতীয় নাগৰিকক অনতিপলমে দেশ এৰিবলৈ কোৱা হৈছে। ইৰাণলৈ যোৱাৰ পৰিকল্পনা কৰাসকলকো চৰকাৰে পৰিকল্পনা বাতিল কৰিবলৈ কয়। নতুন দিল্লীয়ে পশ্চিম এছিয়াৰ পৰিস্থিতিৰ ওপৰত চকু ৰাখিছে। দেওবাৰৰ পৰা ইৰাণ-ইজৰাইলৰ সংঘাতত উত্তপ্ত হৈ পৰিছে পশ্চিম এছিয়া। লেবাননত সংঘটিত আগ্ৰাসনৰ প্ৰতিবাদত দেওবাৰে ইৰাণে ইজৰাইলৰ ওপৰত ক্ষেপণাস্ত্ৰ আক্ৰমণ চলায়। কমেও ১০টা ক্ষেপণাস্ত্ৰ নিক্ষেপ কৰা বুলি অভিযোগ উঠিছে।
ইয়াৰ লগে লগে ইজৰাইলেও প্ৰতিক্ৰিয়া প্ৰকাশ কৰে। দুয়োখন দেশে নিজৰ বায়ু প্ৰতিৰক্ষা ব্যৱস্থা সক্ৰিয় কৰিছে। ইজৰাইলৰ প্ৰধানমন্ত্ৰী বেঞ্জামিন নেতানিয়াহুক ইৰাণক আক্ৰমণ নকৰিবলৈ অনুৰোধ জনায় আমেৰিকাৰ ৰাষ্ট্ৰপতি ড’নাল্ড ট্ৰাম্পে। ইয়াৰ পিছতো সোমবাৰে ইজৰাইলৰ বাহিনীয়ে ইৰাণক আক্ৰমণ কৰে। তাৰ মাজতে ইৰাণৰ ৰাজধানী তেহৰাণত থকা ভাৰতীয় দূতাবাসে সোমবাৰে পুৱা এক বিবৃতি প্ৰকাশ কৰি কয়, “অঞ্চলটোত শেহতীয়া পৰিঘটনাৰ প্ৰেক্ষাপটত দূতাবাসে পূৰ্বৰ পৰামৰ্শ বাহাল ৰাখিছে। বৰ্তমান কোনো ভাৰতীয় নাগৰিকক ইৰাণলৈ নাযাবলৈ পৰামৰ্শ দিয়া হৈছে। ইয়াৰ উপৰি বৰ্তমান ইৰাণত থকা ভাৰতীয়সকলে যিকোনো প্ৰকাৰে দেশখন এৰি আহক ।”
উল্লেখ্য যে ২৮ ফেব্ৰুৱাৰীত আমেৰিকা আৰু ইজৰাইলৰ যৌথ বাহিনীয়ে ইৰাণৰ ওপৰত আক্ৰমণ কৰাৰ পিছত পশ্চিম এছিয়াত সংঘাত তীব্ৰতৰ হৈ পৰে। তেতিয়াৰে পৰা ভাৰতৰ দূতাবাসে কেইবাটাও বিবৃতি প্ৰকাশ কৰাৰ লগতে বিভিন্ন পৰামৰ্শও প্ৰদান কৰে। তাত কোৱা হৈছে যে তেওঁলোকে পশ্চিম এছিয়াৰ পৰিস্থিতি নিৰীক্ষণ কৰি আছে। ভাৰতীয়ৰ সুৰক্ষা আৰু নিৰাপত্তাক অগ্ৰাধিকাৰ দিয়া হৈছে।
আমেৰিকা আৰু ইৰাণৰ মাজত শান্তি স্থাপনৰ বাবে আলোচনা চলি আছে। ট্ৰাম্পে দাবী কৰিছে যে তেওঁলোক চুক্তিৰ অতি ওচৰত। ইজৰাইলৰ আগ্ৰাসন আৰু পশ্চিম এছিয়াৰ নতুন সংঘাতে উক্ত আলোচনাত প্ৰভাৱ পেলাব নে চুক্তিখন পুনৰ বাতিল হ’ব সেয়া হ’ব লক্ষণীয় হ’ব।
