চাকৰি (Jobs) প্ৰত্যাশীসকলৰ বাবে এক ভাল খবৰ। এইবাৰ চৰকাৰী বেংকত চাকৰিৰ (Job in a bank) সুযোগ ওলাইছে। এই সন্দৰ্ভত ভাৰতীয় ষ্টেট বেংকে (SBI) নিযুক্তিৰ অধিসূচনা জাৰি কৰিছে। বেংকটোৱে প্ৰাৰ্থীসকলক হাতে-কামে প্ৰশিক্ষণ দিব। কিয়নো ষ্টেট বেংকত বৃহৎসংখ্যক পদ খালী হৈ আছে।
কি পদ পূৰণ কৰা হ’ব?
এছবিআয়ে এপ্ৰেণ্টিছ নিযুক্তি দিব। চলিত বিত্তীয় বৰ্ষৰ বাবে নিযুক্তি দি আছে এছবিআয়ে।
প্ৰশিক্ষণৰ সময়সীমা
এবছৰলৈ অব্যাহত থাকিব কৰ্মচাৰীসকলৰ প্ৰশিক্ষণ। কিন্তু প্ৰশিক্ষণৰ সময়ত কৰ্মচাৰীসকলৰ কৰ্মক্ষমতাৰ ওপৰত নিৰ্ভৰ কৰি তেওঁলোকক জুনিয়ৰ এছোচিয়েট হিচাপে নিযুক্তি দিব পাৰে।
জলপানিৰ পৰিমাণ
প্ৰশিক্ষণৰ সময়ত ১৫ হাজাৰ টকাকৈ দিয়া হ’ব ।
মুঠ খালী পদৰ সংখ্যা
সংস্থাটোত মুঠ ৭,৫১০টা খালী পদ পূৰণ কৰা হ’ব। ইয়াৰে কিছুমান আসন সংৰক্ষিত শ্ৰেণীৰ বাবে সংৰক্ষিত হ’ব।
কোনবোৰ ৰাজ্যত নিযুক্তি হ’ব পাৰে?
নিযুক্তিপ্ৰাপ্তসকলক পশ্চিমবংগ, গুজৰাট, অন্ধ্ৰপ্ৰদেশ, কৰ্ণাটক, ছত্তীশগড়, মধ্যপ্ৰদেশ, ওড়িশা, লাডাখ, হিমাচল প্ৰদেশ, চণ্ডীগড়, পঞ্জাব, জম্মু-কাশ্মীৰ, হাৰিয়ানা, পুডুচেৰী, তামিলনাডু, অৰুণাচল প্ৰদেশ, নাগালেণ্ড, মেঘালয়, ত্ৰিপুৰা, অসম, মিজোৰাম, মণিপুৰ, তেলেংগানা, ৰাজস্থান, আন্দামান আৰু নিকোবৰ দ্বীপপুঞ্জ, ছিকিম, উত্তৰ প্ৰদেশ, মহাৰাষ্ট্ৰ, গোৱা, উত্তৰাখণ্ড, দিল্লী, বিহাৰ, ঝাৰখণ্ড আৰু কেৰালাত নিযুক্তি দিয়া হ’ব পাৰে।
শিক্ষাগত অৰ্হতা
আবেদনকাৰী কোনো স্বীকৃতিপ্ৰাপ্ত প্ৰতিষ্ঠানৰ পৰা যিকোনো শাখাৰ স্নাতক হ’ব লাগিব।
বয়সৰ সীমা
প্ৰাৰ্থীৰ বয়স ২০ৰ পৰা ২৮ বছৰৰ ভিতৰত হ’ব লাগিব। সংৰক্ষিত শ্ৰেণীৰ বাবে বয়সৰ শিথিলতা থাকিব।
যোগ্যতা পৰীক্ষণ
প্ৰাৰ্থীৰ যোগ্যতা দুটা ধৰণে পৰীক্ষা কৰা হ’ব। অনলাইন লিখিত পৰীক্ষা আৰু আঞ্চলিক ভাষাত দক্ষতা পৰীক্ষাৰ জৰিয়তে তেওঁলোকৰ যোগ্যতা পৰীক্ষা কৰা হ’ব। অনলাইন লিখিত পৰীক্ষাৰ সময়সীমা এঘণ্টা। এই পৰীক্ষাত ১০০ নম্বৰ থাকিব। জুলাই মাহত অনুষ্ঠিত কৰা হ’ব এই অনলাইন লিখিত পৰীক্ষা। আঞ্চলিক ভাষাত দক্ষতা পৰীক্ষাৰ বাবে পৰীক্ষাৰ্থীয়ে সেই ভাষা ক’ব, লিখিব বা বুজিব পাৰিব লাগিব। অৱশ্যে বেংকত নিযুক্তি দিয়াৰ পূৰ্বে পৰীক্ষাৰ্থীৰ শাৰীৰিক ফিটনেছো পৰীক্ষা কৰা হ’ব।
আবেদন প্ৰক্ৰিয়া
প্ৰাৰ্থীসকলে বেংকৰ ৱেবছাইট https://ibpsreg.ibps.in/sbiaapr26/ ত গৈ আবেদন কৰিব লাগিব।
আবেদন মাচুল
সংৰক্ষিত শ্ৰেণীৰ বাহিৰে সকলো প্ৰাৰ্থীৰ বাবে আবেদন মাচুল ৩০০ টকা।
আবেদনৰ অন্তিম তাৰিখ
প্ৰাৰ্থীসকলে নিৰ্দিষ্ট ৱেবছাইটত গৈ ১৯ মে’ৰ পৰা ৮ জুনলৈ আবেদন কৰিব পাৰিব।
