মঙলবাৰে ঘোষণা হয় উচ্চতৰ মাধ্যমিকৰ চাৰিওটা শাখাৰ ফলাফল (HS Result)। পুৱা ১০.৩০ বজাত অসম ৰাজ্যিক বিদ্যালয় শিক্ষা পৰিষদে ঘোষণা কৰা পৰীক্ষাৰ ফলাফল অনুসৰি এইবাৰ চাৰিওটা শাখাৰ সামগ্ৰিক উত্তীৰ্ণৰ হাৰ হৈছে ৮১.৫৪ শতাংশ।
চাৰিওটা শাখাত অৱতীৰ্ণ হোৱা শিক্ষাৰ্থীৰ সংখ্যা আছিল ৩,২২,৭২৫। ইয়াৰে ভিতৰত ছাত্ৰৰ সংখ্যা ১,৪৮,১৬৯, ছাত্ৰীৰ সংখ্যা ১,৭৪,৫৫৫ আৰু তৃতীয় লিংগৰ এগৰাকী।
মুঠ উত্তীৰ্ণৰ সংখ্যা হৈছে ২,৬৩,২৫৫। ইয়াৰে ভিতৰত ছাত্ৰ ১,১৭,৭৩১ আৰু ছাত্ৰীৰ সংখ্যা ১,৪৫,৪২৪।
আনহাতে, কলা শাখাত উত্তীৰ্ণৰ হাৰ হৈছে ৭৯.৫৪ শতাংশ, বিজ্ঞান শাখাত ৮৯.৭৯ শতাংশ, বাণিজ্য শাখাত ৮১.১৩ শতাংশ আৰু বৃত্তিমুখী শাখাত ৭৪.১৯।
তিনিওটা শাখাত প্ৰথম বিভাগত উত্তীৰ্ণ হৈছে ৯৬,৭১৩, দ্বিতীয় বিভাগত ১,০৩,৩৫৩ আৰু তৃতীয় বিভাগত ৬৩,০৮৯ গৰাকী উত্তীৰ্ণ হৈছে।
