ভাৰতত অনলাইন বাতৰি (Online news in India) আৰু সাম্প্ৰতিক পৰিস্থিতিৰ কণ্টেণ্টৰ নিয়ন্ত্ৰণৰ ক্ষেত্ৰত (Field of content control) এক বৃহৎ পৰিৱৰ্তনৰ (Major change) দিশে আগবাঢ়িছে কেন্দ্ৰীয় চৰকাৰ (Central Govt.)। কেন্দ্ৰই প্ৰকাশ কৰিছে সংশোধনীৰ খচৰা, য’ত ডিজিটেল নিউজ (Digital News) প্লেটফৰ্ম আৰু কণ্টেণ্ট ক্ৰিয়েটৰৰ বাবে নতুন নিয়মৰ প্ৰস্তাৱ দিয়া হৈছে। সংশোধনীৰ বাবে বিচৰা হৈছে আৰু ১৪ এপ্ৰিললৈ মন্তব্য দাখিলৰ সময়সীমা নিৰ্ধাৰণ কৰা হৈছে, প্ৰয়োজন হ’লে বৃদ্ধি কৰিব পৰা যাব। প্ৰস্তাৱিত পৰিৱৰ্তনক লৈ সমালোচনা বাঢ়িছে যদিও তেওঁলোকে স্পষ্ট কৰি দিছে যে চৰকাৰে ক্ষমতা বৃদ্ধিৰ চেষ্টা কৰা নাই। চৰকাৰ বিৰোধী বিষয়বস্তু আঁতৰোৱা হ’ব বুলি ধাৰণাটো সম্পূৰ্ণ ভুল বুলিও কয়। সংবিধান আৰু আইনৰ পৰিসীমাৰ ভিতৰতে কাম কৰিব চৰকাৰে।
সংশোধনীৰ মূল উদ্দেশ্য চাৰিটা ডাঙৰ বিষয়ৰ ওপৰত লোৱা হৈছে। সেইকেইটা হৈছে, ডাটা আৰু তথ্য সুৰক্ষা, বৰ্তমানৰ নিৰ্দেশনা মানি চলা, গুৰুত্বপূৰ্ণ শব্দৰ স্পষ্ট সংজ্ঞা আৰু নিয়মৰ গাঁথনি উন্নত কৰা। খচৰা সংশোধনীৰ এটা মূল দিশ হ’ল কিছুমান বাতৰিৰ বিষয়বস্তু নিৰীক্ষণৰ দায়িত্ব আংশিকভাৱে আই এণ্ড বিক অৰ্পণ কৰা। কণ্টেণ্ট ব্লক কৰাৰ চূড়ান্ত কৰ্তৃত্ব মন্ত্ৰালয়ৰ হাতত থাকিব যদিও কিছুমান ক্ষেত্ৰত মন্ত্ৰালয়েও ভূমিকা গ্ৰহণ কৰিব। বিভিন্ন মন্ত্ৰালয়ৰ মাজত দায়িত্বৰ স্পষ্ট বিভাজন সৃষ্টিৰ প্ৰয়াস। আন এটা ডাঙৰ পৰিৱৰ্তন হ’ল এই নিয়মৰ পৰিসৰ কেৱল পঞ্জীয়নভুক্ত বাতৰি প্ৰকাশকসকলৰ মাজতে সীমাবদ্ধ নাথাকিব।
খচৰা অনুসৰি, এতিয়া ই পঞ্জীয়নবিহীন ডিজিটেল কণ্টেণ্ট ক্ৰিয়েটৰকো নিজৰ শাসনৰ অধীনলৈ আনিব পাৰিব। অৰ্থাৎ ইউটিউব চেনেল, স্বতন্ত্ৰ সাংবাদিক বা ছ’চিয়েল মিডিয়া ভিত্তিক নিউজ প্লেটফৰ্মসমূহো এই নিয়ন্ত্ৰণলৈ আহিব পাৰে। অৱশ্যে এই প্ৰস্তাৱে উদ্যোগটোতো উদ্বেগ প্ৰকাশ কৰিছে। বিভিন্ন অংশীদাৰে প্ৰশ্ন উত্থাপন কৰিছে যে মধ্যস্থতাকাৰীৰ ভূমিকা (যেনে ছ’চিয়েল মিডিয়া প্লেটফৰ্ম) কেনেকৈ নিৰ্ধাৰণ কৰা হ’ব, “বাতৰি আৰু সাম্প্ৰতিক পৰিক্ৰমা” বিষয়বস্তুৰ সঠিক সংজ্ঞা কি হ’ব আৰু ব্যৱহাৰকাৰীৰ বাবে কেনেধৰণৰ সুৰক্ষা স্থাপন কৰা হ’ব। ইয়াৰ ফলত ডিজিটেল বিজ্ঞাপন খণ্ডত প্ৰভাৱ পৰিব পাৰে বুলিও আশংকা কৰা হৈছে।
বহুতে বিশ্বাস কৰে যে যদি নতুন নিয়মৰ ফলত বিষয়বস্তু নিয়ন্ত্ৰণ কঠোৰ হয়, তেন্তে বিজ্ঞাপনদাতাসকলেও নিজৰ কৌশল সলনি কৰিবলগীয়া হ’ব পাৰে, যিয়ে সমগ্ৰ ডিজিটেল পৰিৱেশতন্ত্ৰত প্ৰভাৱ পেলাব পাৰে। সামগ্ৰিকভাৱে আই টি নিয়ম ২০২১ৰ এই প্ৰস্তাৱিত সংশোধনে ভাৰতৰ ডিজিটেল সংবাদ জগতত এক বৃহৎ পৰিৱৰ্তন আনিব পাৰে। কিন্তু এতিয়া গুৰুত্ব দিয়া হৈছে যে ইয়াক কাৰ্যকৰী কৰিলে কিমান ভাৰসাম্য ৰক্ষা হ’ব, স্বাধীনতা আৰু নিয়ন্ত্ৰণৰ মাজত।
